Slúður, diss og spælingar

VillaÉg á mér uppljóstrara í einu af fínu hverfunum í Reykjavík. Hann sagði frétta- og slúðursíðu himnaríkis að nú um nokkurt skeið hefði verið vakt við villu eins útrásarmannsins. Eins og það væri líklegt að Íslendingar nenntu að aka jafnvel langar leiðir til að ráðast á hús þegar bensínið er svona dýrt og mun þægilegra að skammast bara á blogginu. Fyrst var þessi ómerkti öryggisbíll staðsettur beint fyrir framan húsið en nokkrum dögum síðan var hann færður aðeins fjær til að þetta væri ekki jafnáberandi, svo er líka skipt um bíla en þessi oft og tíðum næturgöltur og uppljóstrari lætur ekki leika á sig. Hann veit samt ekki hvort verðirnir séu búnir vopnum ... Fyrir nokkrum mánuðum var þessi nágranni útrásarmannsins (uppljóstrari minn) úti í garði hjá sér þegar hann sá póstbíl koma að villunni, bílstjóra hlaupa út, skella einhverju inn um lúguna og rjúka á brott, svona eins og þessir rösku sendlar hjá Póstinum athafna sig vanalega. Þjófavarnarkerfi fór í gang svo glumdi í hverfinu og innan við mínútu síðar komu tveir öryggisbíla koma á ofsahraða eftir götunni. Eins gott að blómin á þessu heimili hafi ekki hreyft sig hratt í gegnum tíðina ... Þarna í hverfinu er talað um að eigandi villunnar sofi í svokölluðu Panic Room. Rosalega hlýtur að taka á að vera ríkur, það er ekki bara dans á rósum greinilega. Mér finnst persónulega alveg nóg að hafa tvo brjálaða ketti sem þjófavörn, plús góðan lás og skólastrák mikið heima ... en ég er líka svo lítillát og hér er vissulega fátt sem freistar þjófa nema kannski hjarta mitt ...

SamstaðaÍsland í dag á Stöð 2 reyndi að kenna okkur lýðnum hvernig beina ætti reiðinni í réttan farveg ... prestur og geðlæknir&áfallasálfræðingur spurðir spjörunum úr. Pálmi Matthíasson mælti með æðruleysisbæninni en Ólafur Már Ævarsson sagði m.a. mikilvægt að vanda samskiptin. Á undan þættinum mátti sjá langa og voða sæta auglýsingu frá lífeyrissjóðnum mínum, „Saman byggjum við nýja framtíð.“ Ég skil ekki tilganginn með henni og hef ekki samþykkt að dýrmætum eftirlaunasjóði mínum sé eytt í rándýrar sjónvarpsauglýsingar.

Ég í biðröðinniÞað kom hraðskreiður póstbíll upp að himnaríki í kvöld, hress og rösk stelpa færði mér síðbúna afmælisgjöf frá elskunni henni Dobbu og ekkert þjófavarnarkerfi fór í gang. Flott snyrtitaska,eða frekar kúl samkvæmistaska og svartur, hlýr kragi með silfurnælu framan á. Ég á eftir að líta mjög glæsilega og ríkmannlega út í kreppunni og einhverjir eiga án efa eftir að reyna að hrinda mér út úr matarbiðröðunum eða rispa mig þótt ég verði með fullgilda skömmtunarseðla.


« Síðasta færsla | Næsta færsla »

Athugasemdir

1 Smámynd: Ragnheiður

998792

Ragnheiður , 21.10.2008 kl. 21:05

2 Smámynd: Jenný Anna Baldursdóttir

Þú kætir mig og heldur mér gangandi frú Guðríður.  Við verðum að fara að hittast.

Ég lofa að henda þér ekki úr matarröðinni.

En öllum prestum og sálfræðingum verður samstundis hrint úr´enni.

Jenný Anna Baldursdóttir, 21.10.2008 kl. 22:10

3 Smámynd: Jenný Anna Baldursdóttir

999017

Jenný Anna Baldursdóttir, 21.10.2008 kl. 22:10

4 Smámynd: Brynja skordal

999017 skal ná þessu sko ó well vaki bara í nótt

Brynja skordal, 21.10.2008 kl. 22:11

5 Smámynd: Guðríður Haraldsdóttir

Verðlaunin fyrir að vera sem næst milljóninni verða ekki af verri endanum.

Guðríður Haraldsdóttir, 21.10.2008 kl. 22:14

6 Smámynd: Magnús Geir Guðmundsson

Ég er númer eitthvað, en nenni ómögulega að gá!

Myndi heldur aldrei þiggja nein verðlaun önnur en "Kvöldstund með Guðríði"!

Og...

Gurrí ofuryndisleg,

eðalmeyjan bjarta.

SToltur myndi strákur ég,

stela þínu hjarta!

Magnús Geir Guðmundsson, 21.10.2008 kl. 22:58

7 Smámynd: Guðríður Haraldsdóttir

Hehehehhe

Guðríður Haraldsdóttir, 21.10.2008 kl. 23:04

8 identicon

Æðruleysisbænin, já. Á hún við núna? Hm, múúahahahaha! [snörl]

Guðmundur G. Hreiðarsson (IP-tala skráð) 21.10.2008 kl. 23:26

9 Smámynd: Brynja skordal

999336 talan hækkar fljótt kl 0027 er alveg að ná þessu sko.......

Brynja skordal, 22.10.2008 kl. 00:27

10 Smámynd: Sigríður Þórarinsdóttir

999354 

Sigríður Þórarinsdóttir, 22.10.2008 kl. 01:05

11 Smámynd: Jóna Kolbrún Garðarsdóttir

999363

Jóna Kolbrún Garðarsdóttir, 22.10.2008 kl. 01:20

12 Smámynd: Brynja skordal

kl 1:35 og talan stendur í 999372 "Geysp"

Brynja skordal, 22.10.2008 kl. 01:36

13 Smámynd: Guðrún Ágústa Einarsdóttir

Ég vil frekar vera fátæk af peningum en rík af börnum, vinum og ættingjum. Og vera hamingjusöm í mínum bjálkakofa við kertaljós og rómantík. Peningar skapa bara vandræði og leiðindi.

Kl. 1.46 var teljarinn í 999379

kv Gunna.

Guðrún Ágústa Einarsdóttir, 22.10.2008 kl. 01:56

14 Smámynd: Brynja skordal

kl 07:21 og ég er nr 999503 svo einhver hreifing hefur verið í ljósi nætur jájá held áfram að reyna sko losnar ekkert við mig Gurrí mín

Brynja skordal, 22.10.2008 kl. 07:23

15 Smámynd: Brynja skordal

kl 08:33 tosast í áttina spennan eykst nr 999597

Brynja skordal, 22.10.2008 kl. 08:33

16 Smámynd: Katrín Snæhólm Baldursdóttir

10 milljónir???

Vá..en er samt ekki hissa. Þú skirfar svo skemmtilega pistla og færð mann alltaf til að skella uppúr. Sjáumst svo á Austurvelli á laugardaginn klukkan 15.00..þú prúðbúin með silfurnælu og ég í úlpu með lopahúfuna

Katrín Snæhólm Baldursdóttir, 22.10.2008 kl. 08:34

17 Smámynd: Katrín Snæhólm Baldursdóttir

hehe..ok milljón þá...en ég sá ekkert athugavert við að það væru 10. millur að kíkja við hjá þér.

Katrín Snæhólm Baldursdóttir, 22.10.2008 kl. 08:35

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sögur úr himnaríki

Höfundur

Guðríður Haraldsdóttir
Guðríður Haraldsdóttir

... ekki bara kattakerling

Heimsóknir

Flettingar

  • Í dag (28.3.): 9
  • Sl. sólarhring: 20
  • Sl. viku: 414
  • Frá upphafi: 1445641

Annað

  • Innlit í dag: 9
  • Innlit sl. viku: 361
  • Gestir í dag: 9
  • IP-tölur í dag: 9

Uppfært á 3 mín. fresti.
Skýringar

Bloggvinir

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • Himnaríki 6. mars 2023
  • Himnaríki 21. mars 2024
  • Húsó

Innskráning

Ath. Vinsamlegast kveikið á Javascript til að hefja innskráningu.

Hafðu samband