Árangursríkt næturbrölt ...

Hvar er sólin? Horfi yfirleitt ekki mjög spennt á veðurfregnir yfir sumartímann en sýndist þó að það ætti að vera bjart (sól) og heitt í dag. Kannski rofar til. Aftur á móti er gaman að fylgjast með djúpum lægðum í nánd yfir vetrartímann og sjá svo trylltan sjóinn í kjölfarið fyrir neðan ef áttin er rétt.
Vona að veðurfarið verði öflugt við að hreinsa svalirnar mínar, eða safnkassann öllu heldur. Ekkert bil þarna niðri við gólfið, ákaflega undarlegt!

Held að ég hafi hreinlega fundið öll þau lög sem ég leitaði að á Youtube í nótt nema lögin mín með Babe Ruth. Hélt mikið upp á Dutchess of Orleans og Private Number. Er ekki einu sinni viss um að þau hafi komið út á á geisladiski. Sá í kommentakerfinu fyrir neðan Mexican-lagið að ný plata væri væntanleg með þeim!???!!! Mögnuð söngkonan!  
Hér er lag fyrir Önnu (anno) úr Journey to the Centre of the Earth, þar sem Ísland kemur fyrir í textanum. Hún man væntanlega eftir því úr stuttmynd nemenda sinna:
http://www.youtube.com/watch?v=vbaZI3m_ppw&mode=related&search

Formúlan fór vel af stað og vonandi verður keppnin jöfn og spennandi. Var komin með hálfgerðan leiða á Formúlunni í denn þegar Schumacher einokaði fyrsta sætið keppni eftir keppni. Hann átti það fyllilega skilið en þetta kom í veg fyrir alla spennu. Mikið hefði verið gaman að vera farin að horfa þegar Hakkinen var uppi á sitt besta, nei, þá fannst mér Formúlan eins og að fylgjast með mislitum þvotti snúast í þvottavél.

Athugasemdir

[Kristín Katla Árnadóttir, 1.7.2007 kl. 13:58]

Sólinn er í Rvk  Guðríður.

[Guðríður Haraldsdóttir, 1.7.2007 kl. 14:04]

Sólin er líka hér á Skaganum! Held að ég hafi svona svakalega mikil áhrif ... kvartaði yfir sólarleysi og sjá: Svo kom sólin!

[Þröstur Unnar, 1.7.2007 kl. 15:17]

Var að koma úr Bænum og tók hana með mér.

Mikið er þetta flottur stóll (rauði) þarna á myndinni hjá þér Gurrý.

[Hildigunnur Rúnarsdóttir, 1.7.2007 kl. 15:21]

ég sakna Häkkinen :(

[Guðríður Haraldsdóttir, 1.7.2007 kl. 15:55]

Takk Þröstur, þú ert eðaldrengur, sólskinspiltur ... Nágrannakona mín af Hringbrautinni gaf mér tvo svona dýrlega stóla. Ég gaf henni á móti forláta Lada-saumavél, svona eldgamla og flotta. Nennti ekki að flytja hana með mér ... eins og ég hefði þurft að bera hana. 

[Guðríður Haraldsdóttir, 1.7.2007 kl. 17:43]

Hefði sko viljað sjá þetta sem þú talar um. Þegar ég fór að horfa var afar lítil samkeppni við þann rauða sem þú heldur svo upp á ... Haikkinen að linast, síðasta árið hans. Ég missti af miklu, veit það. 

[Magnús Geir Guðmundsson, 1.7.2007 kl. 18:05]

Gurrí, sendi þér póst áðan, lesa!

Bara 10 ár frá því beinar útsendingar hófust á Formúlunni eða svo, þá voru þeir Schumi og Mika einmitt að hefja sína baráttu. En Anna´gleymdi nú, að "skósmiðurinn" glímdi nú ekki síður við annan nú látin ökuþór, hinn brasilíska Zenna!

[Anna Ólafsdóttir (anno) (IP-tala skráð) 1.7.2007 kl. 22:04]

OHHH hvað ég er ömurleg að hafa ekki tekið eftir þessu fyrr!!!!   TAKK Gurrí - ég leitaði meira að segja að þessu sjálf eftir að ég las hitt bloggið þitt og fann það ekki. Auðvitað var þessum kafla gert sérstaklega hátt undir höfði í bíómynd unglinganna minna - Yndislegt (ekki bara línan með Iceland, heldur líka hljómborðslínan, elsk´ana!!!  smjúts á þig