Sólvörn komin en hvar er sólin?

Komst klakklaust út í sjoppu á nýju, vínrauðu sandölunum mínum og jú, þar var til sólvörn. Af því að stelpurnar sem afgreiða í N1, bensínstöðinni rétt við spæleggið (stóra hringtorgið) eru alltaf svo indælar spurði ég nánar út í þetta krem. Sagðist vera byrjandi í sólvarnarfræðum. „Aha,“ sagði sú sem afgreiddi mig, „þessi er númer 8, hún er frekar dauf, taktu heldur númer 15!“

Nú er engin sól, bara skýjaslæða yfir öllu. Vona að sólvarnarkremskaup mín verði ekki til þess að þetta verði síðasti sólardagur sumarsins. Annað eins hefur nú gerst. Eins og um daginn þegar ég fór út á svalir til að horfa á leik Víkings og ÍA þá skoraði óvinurinn. Ég hljóp hratt inn í himnaríki og ákvað að horfa ekki meira, heldur spá því að Skagamenn myndu skora tvö mörk og sigra. Það gekk eftir. Hehehheh!

Bjartur, háæruverðugur köttur systur minnar og mágs, kemur í pössun til mín á morgun. Þeir Tommi hafa verið ágætir vinir en nú er langt um liðið síðan Bjartur kom síðast. Hann hefur átt í grimmilegri landamæradeilu við annan kött í götunni sinni og hefur eflaust gott af því að fá hvíld. Vonandi að óvinakötturinn haldi ekki að Bjartur hafi gefist upp við að verja yfirráðasvæði sitt og flúið.  

Athugasemdir

[Jenný Anna Baldursdóttir, 14.7.2007 kl. 15:09]

Nú á að verða "tannaður" á svölunum?  Til hamó með sólarvörnina.

[Þröstur Unnar, 14.7.2007 kl. 15:31]

Er Bjartur soldið fyrir sopann? Það verða allir að passa sitt einkasvæði. Verum bara ánægð með sólarleysið smá stund.

[Guðríður Haraldsdóttir, 14.7.2007 kl. 15:37]

Ég sá bara Bjart fyrir mér í algjörri slökun frá yfirráðasömum nágrannaketti ... vona samt að hann sé ekki drykkfelldur.

[Magnús Geir Guðmundsson, 14.7.2007 kl. 16:55]

Halló Laugardagslafði!

ÍA - Víkingur, ekki öfugt!

Hvað á svo að smyrja?

Nefið og olnbogabæturnar!?

Ferð nú ekkert að afklæðast á svölunum, mannst eftir flugslysahættunni!?

[Guðríður Haraldsdóttir, 14.7.2007 kl. 17:06]

Handleggi og solles! Nei, nei, ekkert nektarkjaftæði á svölunum ...

[Jens Guð, 14.7.2007 kl. 17:10]

  Ef þú ert að verjast sólbruna og ætlar ekki að verða sólbrún þá er vörn 15 heppilegri en vörn 8.  Ég veit ekki hvaða sólkrem þau selja hjá Neinum.  Ef miðað er við bandaríska stuðla þá er vörn 15 sunblocken vörn 8 sunscreen.

  Ef fólk er ekki að vinna úti bert að ofan allan daginn þá er hérlendis alveg nóg að vera með vörn 4 þegar sest er út í sól.  Gott er að vita að það tekur vörnina lágmark 12 mínútur að virka.  Flestir bera vörnina ekki á sig fyrr en úti í sólinni.  Vænlegra til árangurs er að bera hana á sig innandyra korteri áður en lagst er í sólbað.

  Til að verjast ótímabærri öldrun húðarinnar í sólbaði er heppilegt að bera á sig eftir sólbað Sólbrúnkufestandi Banana BoatAfter Sun Lotion.  Það fæst meðal annars í apótekinu á Akranesi og í Tungusól.    

[Þröstur Unnar, 14.7.2007 kl. 18:22]

Og hafðu það lafði Gurrí. Ég ætla að vera á undan þér að klófesta sólbrúnkudolluna Festandi, í Tungusól. Hræddur um að Koggasalan sé búin að loka í dag.

[Guðríður Haraldsdóttir, 14.7.2007 kl. 19:29]

Hmmm, hvar er Tungusól? ... var verið að selja mér eitthvað sem veldur því að ég verð EKKI brún? Það er ekki kúl, ég vil verða brún. 

[Þröstur Unnar, 14.7.2007 kl. 19:41]

Tungusól er sólbaðsstofa niðr í bæ, þar sem þorskhausalyktin er sem ljúfust. Pantaðu bara 10 tíma í Tungusól, og þá þarftu ekkert sólbað heima og enga sólvernd.

[Svava S. Steinars, 14.7.2007 kl. 21:45]

Ég forðast sólina enda með ofnæmi fyrir henni, fæ heiftarlegt sólarexem ef ég er ekki smurð í sterkri vörn.  Ligg alltaf undir sólhlíf í sólarlandaferðum

[Guðríður Haraldsdóttir, 14.7.2007 kl. 22:07]

Við erum fínar saman, Svava. Hvítar eins og postulínsbrúður. Það er bara flott.

[Jens Guð, 15.7.2007 kl. 03:13]

  Tungusól er á Bárugötu 20.  Ég veit ekki hvað Koggasala er.  En ég hef grun um að vörn 15 sem þú keyptir í Neinum "blokkeri" möguleika húðarinnar (sunblock)  frá því að mynda sóbrúnku.  Og jafnframt frá því að framleiða D-vítamínið sem framkallar upptöku á kalki fyrir bein,  tennur,  hár og neglur.  Á þetta norðlægum slóðum eiga ekki við sömu uppskriftir og á Spáni eða Portúgal.

  Ef þú vilt verða sólbrún þá ráðlegg ég þér að nota Banana Boat d0kksólbrúnkukremið vörn 4 (Banana Boat Dark Tanning Lotion SPF 4). Vörn 4 þýðir fjórfaldur styrkur gegn sólbruna. 

  Síðan viðheldur þú sólbrúnkunni um 7 - 9 vikur með Sólbrúnkufestandi Banana Boat After Sun Lotion um leið og þú varðveitir æskuljóma húðarinnar (taktu eftir hvað þetta hljómar fallega). 

[Guðríður Haraldsdóttir, 15.7.2007 kl. 12:23]

Vá, hvað ég ætla að kaupa þetta. Takkkkk kærlega!!!