Undradrengirnir

Samkvæmislífið er greinilega hafið. Það bendir allt til þess ... matarboð þrjá daga í röð. Nanna í gær, Hilda í kvöld og Hilda á morgun. Galito á Akranesi sá um matinn í kvöld í boði Hildu ... gamli góði tandooríkjúklingurinn bregst ekki, beint heim að dyrum.

Mikil nautn var fólgin í því að sýna Hildu nýja gæludýrið, ryksuguróbótinn Jónas ... sem er nýjasta tillagan að nafni á hann. Afar mínir hétu báðir Jónas Jónasson svo að nafnið er heldur betur í ættinni. Hingað til hef ég nú bara kallað róbótinn litla krúttið. Hann hefur þrifið stofuna, eldhúsið og ganginn í heila tvo tíma í kvöld og mér sýnist hann orðinn þreyttur. Bráðum rúllar hann sér sjálfur í hleðslu.

Í matarboði morgundagsins hitti ég ástkæru tvíburana, barnabörn okkar systranna, við eigum helling í þeim með Míu. Ísak og Úlfur verða ársgamlir 19. desember nk. og þá útskrifast þeir væntanlega úr Tónlistarskóla Mínervu sem áttunda stigs nemendur (sjá mynd). Þeir eru undrabörn, eins og langamma þeirra, móðir mín, segir.

P.s. Þeir fara í þriðju aðgerðina sína 3. október nk. en þá á að loka gómnum. 

Athugasemdir

[Þröstur Unnar, 6.9.2007 kl. 22:28]

Þessi auglýsing frá Galito var í boði Gurrih@himnaríki.is.

Æi vonandi gengur þeim vel strákunum í aðgerðinni.

Er þetta pípuorgel í Himnaríki?

[Guðríður Haraldsdóttir, 6.9.2007 kl. 22:34]

Já, ég hef aldrei farið leynt með ást mína á Galito, Þröstur. Því miður er þessi flotti "flygill" ekki í himnaríki en draumurinn er að eignast píanó. Lærði á píanó í æsku og það væri gaman að æfa t.d. píanókonsert númer eitt eftir Tjækovskí.

Þess vegna eru þeir svona æðislegir, Guðmundur. Nú mun ég aldrei gleyma afmælinu þínu. Heheheheh! 

[Jenný Anna Baldursdóttir, 6.9.2007 kl. 22:34]

Yndislegir, er í kr.... kasti júnó.

[Guðríður Haraldsdóttir, 6.9.2007 kl. 23:27]

Heheh, jú!

[Brynja (IP-tala skráð) 7.9.2007 kl. 00:32]

Calito er góður staður og góður matur en samt mættu sumir skammtar vera stærri veit ég er átvagl kannski spurning sko:) En það er alveg svakalega gaman að lesa bloggið þitt alveg orðið ómissandi að kíkja hérna inn Fínt á skaganum enda bý ég þar:)

[Steingrímur Helgason, 7.9.2007 kl. 01:26]

Í minni famelíu var oft kerknast á með frasann, ert þú einhver Jónas, & talað um Jónasa nágrennisins.

En takk fyrir að benda mér á jólagjöfina í ár samt.

S.

[Svava S. Steinars, 7.9.2007 kl. 01:39]

Þvílík krútt !!