Maður úti á svölum ... aftur

21.12.2007 | 15:21

Maður úti á svölum ... aftur

Held að það verði engin jólasveinaferð farin í dag. Óttalegur aumingjagangur í himnaríki núna. Ég sem var búin að ákveða að vakna frísk. Stillti vekjaraklukkuna á 10.30 en var komin á fætur rúmlega níu ... algjör klaufaskapur að geta ekki einu sinni sofið út. Stillti á Rás 1 og hélt að það væru að hefjast jólakveðjur en þá voru þetta Lög unga fólksins fyrir aldraða, yndislegur þáttur og áfram hélt dýrðin á meðan ég pakkaði inn jólagjöfunum; þjóðsögur og og góð tónlist.

Allt svo heimilislegt eitthvað núna. Húsfélagsformaðurinn úti á svölum, sonurinn að búa til kaffi handa mömmusín og kettirnir mala. Æ, ég held ég fari að skella jólagjöfunum í jólasveinapoka, leggjast upp í rúm og lesa eins og eina góða bók. Það var að koma út kilja eftir Henning Mankell, þarf að klára hana og lána svo húsfélagsformanninum út á sjó eftir áramótin. Ætli brúðkaupið verði ekki í vor? Úps. Veikindin líklega meiri en ég hélt, er með óráði núna. Maður djókar ekki með svona hluti.

Meginflokkur: Bloggar | Aukaflokkar: Grobb, Matur og drykkur, Vinir og fjölskylda | Facebook

Athugasemdir

það má alveg með svona. Hann er þá ekkert að þvælast of mikið fyrir þér í himnaríki, þú færð hann heim þegar þarf að gera eitthvað mikið og svo sendirðu hann bara í fjáröflun með góðar bækur á sjóinn. Getur hann ekki reddað lekanum hjá þér ?? vona að þér fari að batna mín kæra.

Ásdís Sigurðardóttir, 21.12.2007 kl. 16:00

Segi eins og Ásdís .... betri eiginmenn er vart að finna sem staldra við til að fullkomna ástandið!

..... (stolið frá kærum vini Guðmundi)

www.zordis.com, 21.12.2007 kl. 18:37

Ætla ekki að stela stælís jólakveðjum þó þær séu æðislega flottar.......sendi þér bara bataknús og himneskar kveðjur. Vonandi þín vegna verður þér batnað þegar ég bruna með mig og restina af minni familí að sjá þig og þína í Himnaríkinu margfræga. Erum á gulbíl sem kemst allt og getum ekki beðið lengur eftir vinkonuhittingi elsku Gurrí mín.

Love love love.....