Galdramáttur, hefðardúllur og kaffismekkur

Er búin að komast að því að leisígörl himnaríkis býr yfir galdramætti. Ég var að vísu nokkuð syfjuð þegar ég kom heim úr vinnunni í gær og settist í hann en tókst með erfiðsmunum að horfa á boldið og fréttir. Miðvikudagar hafa nefnilega breyst úr viðbjóðssjónvarpskvöldum með hrútleiðinlegri kellingadagskrá (stöð2) yfir í ágæt kvöld. Hjartans erfðaprinsinn vakti mig þegar Grey´s Anatomy hófst. Það var ekki fyrr en eftir þann þátt, The Closer, Stelpurnar og eitthvað fleira sem leisígörl losaði um takið og ég gat staðið upp. Þá hafði ég verið föst við galdrastólinn síðan kl. 17.30. Gat ekki einu sinni kíkt í bloggheima eða fundið mér smekkleg og snyrtileg föt við hæfi konu sem er að fara í móttöku á Bessastöðum (arggggg, mont, grobbb, spenningur ... arggg) eftir hádegi í dag ... Fann þau á hlaupum í morgun og það seinkaði för okkar Ástu í bæinn um alla vega tvær mínútur.

Af því að ég tilheyri því miður ekki fína fólkinu í bænum, þótt ég sé í raun hefðardúlla fram í fingurgóma, þá er orðið ansi langt síðan ég hef farið í móttöku á Bessastöðum. Boðið síðast tengdist líka starfi mínu og hafði ekkert með blátt blóð frá Flatey á Skjálfanda eða Hróarsdal í Skagafirði að gera. Í síðustu heimsókn tókst mér að draga upp úr ráðsmanninum (þegar ég var á leið út, engin vitni, var ekkert of kammó, ég kann mig) að kaffið á Bessastöðum væri svartur Rúbín ... sem ég smakkaði einu sinni fyrir Gestgjafann og þótti bara fínt. Á alþingi, síðast þegar ég vissi, var (ef ég man það rétt) Kólumbíukaffi frá Johnson og Kaaber ... á Hótel Holti var (síðast þegar ég vissi) boðið upp á í venjulegri uppáhellingu Kaffi Marínó í rauðu dollunum. Kaffi sem hægt var að kaupa á bensínstöðvum og í Bílanausti, eflaust fínasta hversdagskaffi en ekki beint það sem maður býst við á rándýrum veitingastað. Í dag er að vísu hægt að fá ógurlega gott kaffi á bensínstöðvum (í pokum) en ég man að mér þótti þetta hneyksli á sínum tíma og áhrifin af "fínt-út-að-borða-dæminu" fuku á brott í mínum huga. Ég bendi á að Staðarskáli býður upp á fínasta kaffi frá Te og kaffi en mér finnst ansi langt að aka þangað (með rútu ... eða á puttanum) til að fá gott kaffi eftir matinn ...

Hmmm, ég veð úr einu í annað, ekki í fyrsta skiptið ... dreg ykkur frá hægindastólum til sparifata og frá Bessastöðum til nöldurs um kaffitegundir, ykkur hlýtur að vera farið svima ... Best að fara að vinna svolítið! Hafið það gott og guðdómlegt í dag, elskurnar.

Athugasemdir

[Þröstur Unnar, 10.1.2008 kl. 08:43]

Hvurn fj... ertu að fara að gera á Höfuðbólið?

Ætlarðu kannski fram gegn Óla og Ástþóri? Ég mundi alveg kvitta undir það.

[Þröstur Unnar, 10.1.2008 kl. 08:45]

*Úps sá ekki að þetta er vinnutengt. Hélt að þetta væri bold færsla.

[Guðríður Haraldsdóttir, 10.1.2008 kl. 08:49]

Þetta verður sko enginn njósnaleiðangur, bara vinnutengd mæting. Er of ung til að verða forseti, finnst mér.

[Guðríður Haraldsdóttir, 10.1.2008 kl. 08:49]

Lífið sjálft getur verið ævintýralegra en nokkurt bold ...

[Magga (IP-tala skráð) 10.1.2008 kl. 11:21]

Bessastaðir-Sjónvarpið ..... á tveimur dögumGÓÐ....

Gangi þér rosalega vel á morgun !!

[Guðríður Haraldsdóttir, 10.1.2008 kl. 11:23]

ÉG ÆTLA AÐ LÁTA SPÁDÓM AMÝAR RÆTAST, MAGGA!!! og verða fræga dóttirin hennar mömmusín!

[Katrín Snæhólm Baldursdóttir, 10.1.2008 kl. 11:28]

Og í hverju ætlarðu að vera svo??? Fólki er alveg sama hvað frægt fólk gerir en það vilja allir vita hvernig það klæðist..ekk gleyma því. Skemmtu þérr vel á Besastöðum..eretta ekki örugglegqa jólballið?? Psssttt..ég veit hver leikur alltaf jólasveininn..það er hann Ástþór!

[Guðríður Haraldsdóttir, 10.1.2008 kl. 11:49]

Hehehhehe ... ég skal fylgjast vel með klæðaburði fólksins og læt svo vita ... með fullri virðingu þó ... að sjálfsögðu, maður grínast ekki með suma hluti!

[Linda Linnet Hilmarsdóttir, 10.1.2008 kl. 13:22]

kvitt-búin að lesa.

[kikka (IP-tala skráð) 10.1.2008 kl. 16:57]

Hæ skvís og gleðilegt ár.

Hélt líka að þetta væri boldingfærsla eins og Þröstu, en skítt með það. Það sem sló mig mest er að ég hjó eftir því að þú horfir ekki á Ugly Betty á miðvikudögum!!! En sá þáttur gerist einmitt á svona spennadi ritstjórn, eins og þú vinnur á, og svo er hún Betty alls ekki "Ugly" heldur frekar sæt og skemmtileg. 

Skemmtilegur kaffipistill--drekk sjálf 4 bolla af Selebes frá Kaffitári, á dag. 

[Breiðholtshatarinn (IP-tala skráð) 10.1.2008 kl. 18:30]

Þeir sem drekka annað kaffi en illy eru bara hlanddrykkjuræflar sem hafa ekki vit á kaffi!

...var ég búinn að nefna að ég hata öfgafólk og finnst það ætti að skjóta það?

[Marta B Helgadóttir, 10.1.2008 kl. 19:56]

Hlakka til að sjá helst fulla skýrslu um klæðnaðinn

[Ásdís Sigurðardóttir, 10.1.2008 kl. 19:59]

Varstu semsagt á Bessastöðum í dag?? þá hefurðu hitt Örlyg Hnefyl, hann er líka Flateyingur (Skjálfanda). Var ekki gaman. ??

[Guðríður Haraldsdóttir, 10.1.2008 kl. 20:09]

Ójú, það var þrælgaman, enda komin rosalöng færsla um ævintýrið, hefði átt að stökkva á Örlyg, ekki grunaði mig að hann væri Flateyingur.

Steingleymdi að skrifa eitthvað um klæðnað viðstaddra ...

[Glúmur Gylfason (IP-tala skráð) 10.1.2008 kl. 20:54]

Kiljan: "Ég trúi því að gott kaffi sé frá guði, en vont kaffi sé frá djöflinum".