The Getnaðarvörn ... og englasöngur í Mosfellsbæ

Allt í einu er allt orðið rólegt í vinnunni ... búið að lesa blaðið yfir og vinnudeginum er lokið. Að sjálfsögðu náði ég strætó 7.41 síðdegis í morgun og Hafnfirðingurinn Gummi kom okkur farþegum heilum á húfi í Mosfellsbæ. Ég vissi að indælt og ljúft og skemmtilegt og frábært fólk tæki Skagastrætó en ekki að englar gerðu það. Dæmi: Þegar ég var að labba út sagði ung stúlka: „Ertu ekki að fara upp í Birtíng?“ Ég hélt það nú og þá kom í ljós að engilskrúttið vinnur í sama húsi en hjá öðru fyrirtæki. Bíllinn hennar beið á bílastæðinu í Mosó og ég fékk far upp að dyrum. Þetta reyndist vera sjálf bæjarstjóradóttirin!

Veit ekki hvað er með mig og hefðardúllur þessa dagana. Afi var að vísu hreppstjóri úti í Flatey en það er ekki hægt að lifa endalaust á því ... Þetta veit á einhvað ... Albert prins kemur fljúgandi frá Mónakó, neitar að hitta Ragnheiði Clausen að þessu sinni (sjá Séð og heyrt f. nokkrum árum), æðir beint í himnaríki og grátbiður mig um að verða frú Grimaldi. Að sjálfsögðu þigg ég það. Þá myndi nú enginn forseti liggja í flensu þegar ég kæmi í heimsókn ... og það girnilegasta: Ég fengi líklega að afhenda verðlaunin í Mónakó-kappakstrinum (Formúla 1).

Birti hér mynd af bestu getnaðarvörn EVER!!! Virðið myndina vel fyrir ykkur ... ekki segja mér að ykkur langi út á djamm og djús  á sódómugómorrustað og beint þaðan í syndsamlegt hjásofelsi sem ber ávöxt. Svoleiðis verða nefnilega óþekku börnin til. Vildi bara vara ykkur við áður en kvöldið skellur á með öllum sínum freistingum.

Jæja, það styttist í stuðið og hefur bæði blóðþrýstingur hækkað og hjartsláttur aukist með hverri mínútunni  ... ég er að rifja upp hinar ýmsu dagsetningar ef spurt verður um þær ... reyna, öllu heldur, hér hefur verið svo mikið stress og álag að fagurmótað höfuðið (jamm, líka seinnipartinn) er eins og fullt af bómull. Treysti á strákana mína í kvöld. Í stað Sigrúnar Óskar, sem kemst allllllls ekki vegna anna, ætlar símavinurinn okkar úr síðasta þætti, Máni Atlason, að vera þriðji maður. Bróðir hans, Vífill Atlason, verður þá símavinurinn í kvöld. Skilst að hann sé heilmikill viskubrunnur!

 

Athugasemdir

[Ragnheiður , 11.1.2008 kl. 17:53]

Hehe já og til að það sé á hreinu þá er Máni Atlason eldklár ungur maður...það veit ég , kelling á Álftanesi

[Hrönn Sigurðardóttir, 11.1.2008 kl. 18:02]

Gangi ykkur vel í kvöld. Ég skal vinka þér ;)

[Linda Linnet Hilmarsdóttir, 11.1.2008 kl. 19:29]

Flott mynd og góða helgi

[Ásdís Sigurðardóttir, 11.1.2008 kl. 19:30]

Ég verð fyrir framan kassann og horfi á þig.  Nei það vill sko engin svona börn, en kannski barnabörn??  Nú þarf ég að drífa í því að fletta honum afa þínum upp og sjá hvurra manna þú ert mín eðalborna kona/snót.   

[Ásdís Sigurðardóttir, 11.1.2008 kl. 19:34]

Heyrðu við eigum sömu langa-lang-lang-langaömmu og afa.  Snarskildar eða þannig.

[Sigga (IP-tala skráð) 11.1.2008 kl. 19:53]

Gangi ykkur svakalega vel í kvöld.  Áfram skagamenn  

[Hildigunnur Rúnarsdóttir, 11.1.2008 kl. 20:02]

Toj toj, best að fara niður og kveikja á varpinu, 8 mínútur í útsendingu :D

[Birna Dis Vilbertsdóttir (IP-tala skráð) 11.1.2008 kl. 20:10]

Gangi ykkur vel í kvöld

[www.zordis.com, 11.1.2008 kl. 21:04]

Vona að þú hafir rúllað þessu upp og það verður sennilega lítið um húllumhæ undir sænginni ....

[Rannveig Lena Gísladóttir, 11.1.2008 kl. 21:11]

Til lukku með góðan sigur í kvöld ! Þið stóðuð ykkur mjög vel

[Ragnheiður , 11.1.2008 kl. 21:12]

Frábært...til hamingju

[Hulda (IP-tala skráð) 11.1.2008 kl. 21:14]

til hamingju með sigurinn

[Hildigunnur Rúnarsdóttir, 11.1.2008 kl. 21:15]

og til hamingju, snilld :D

[Anna Ólafsdóttir Björnsson, 11.1.2008 kl. 21:19]

Til hamingju, til hamingju, til hamingju, til hamingju, til hamingju.

[Markús frá Djúpalæk, 11.1.2008 kl. 21:21]

Þetta gekk vel. Æsispennandi allt til enda. Þið eruð greinilega skarpari en skólakrakkar.

[Helga (IP-tala skráð) 11.1.2008 kl. 21:29]

Til hamingju elsku Gurrí mín!!!! 

Knús, Helga og co

[Lára Hanna Einarsdóttir, 11.1.2008 kl. 21:37]

Innilega til hamingju með glæstan sigur!

[Magnús Geir Guðmundsson, 11.1.2008 kl. 21:51]

Hahahahhó! ót´rulegt en satt, þú færð að koma einu sinni enn í sjónvarpið, svei mér ef þú nærð ekki bara að verða fræg eftir allt saman Guðríður getspaka!

En skiptin virðast hafa skipt einhverju, án þess að ég viti neitt. Sigrún sú hefur aldeilis haft nóg að gera fyrst hún mætti ekki, nú á hún vart afturkvæmt!?

En hverja viltu fá, mína menn?

Til lukku, Vikuvíf!

[Þröstur Unnar, 11.1.2008 kl. 21:56]

Látt´ana vera Magnús, ég á´ana.

[Edda Agnarsdóttir, 11.1.2008 kl. 22:16]

Ég segi eins og Ólína, nú er að passa upp á kjördæmið! Húrra! Til lukku í krukku!

[Magnús Geir Guðmundsson, 11.1.2008 kl. 22:55]

Láta hverja vera Þröstur minn, Sigrúnu Ósk? Mátt alveg eiga hana mín vegna! Guðríði?´Mér sýnist nú á öllu, að sá eini sem hugsanlega geti eignast hana sé sköllótti Albert, sem reyndar sóttist eftir annari Skagamær einu sinni minnir mig, sunddrottningunni Ragnheiði Runnólfs og var svo líka eitthvað að pissa utan í stóru stangarstökksstelpuna Þóreyju, en hver veit!?

[Breiðholtshatarinn (IP-tala skráð) 11.1.2008 kl. 23:23]

Til hamingju með tilviljunina!

[Sigga (IP-tala skráð) 11.1.2008 kl. 23:27]

Vííí....innilega til hamingju með sigurinn. Þið voruð ógeðslega flott

[Þröstur Unnar, 11.1.2008 kl. 23:36]

Þetta eru allt yndisleg nöfn Maggi minn.