Spurningakeppni fjölmiðlanna

Síðustu árin hefur aðeins verið eitt sem hefur gert páskana þess virði að taka sér frí frá vinnu og þurfa að borða góðan mat og páskaegg. Það er spurningaþáttur fjölmiðlanna sem hefur verið á dagskrá Rásar 2 yfir páskana um margra ára skeið. Ég missti af fyrsta þættinum kl. 13 í gær en get án efa hlustað á hann í tölvunni á ruv.is, læt þáttinn í dag ekki fram hjá mér fara. Þriðji þáttur er svo á páskadag og lokaþáttur annan í páskum. Ég hef lifað eftir stundaskrá þessarra þátta, móðgað páskagestgjafa úti á landi (Hildu) þegar ég hef lokað mig af með útvarpi í heilan klukkutíma, alltaf á milli 13 og 14.

Mikið líst mér vel á Hæðina, nýja þáttinn sem hófst á Stöð 2 í gærkvöldi. Ólík pör, sem er gott, eiginlega bara alveg frábært, því að ég ruglaði alltaf saman liðunum í ástralska þættinum The Block sem var byggður svipað upp. Gulli er flottur sem verkstjórinn.

 

Athugasemdir

[Lára Hanna Einarsdóttir, 21.3.2008 kl. 13:10]

Takk fyrir að minna mig á - ég hlusta alltaf á þessa spurningakeppni en gleymdi mér núna! 

[Þröstur Unnar, 21.3.2008 kl. 13:13]

Ég fæ grænar geirvörtur af svona þáttum.

[Ása Hildur Guðjónsdóttir, 21.3.2008 kl. 14:11]

 Gleðilega páska

[Guðríður Haraldsdóttir, 21.3.2008 kl. 14:45]

Ólafur, sætir strákar alltaf sérstaklega velkomnir! Heheheheh

Já, og gleðilega páska Ása Hildur, Dragon og allir, spennandi að fá grænar geirvörtur vegna spurningaþáttar, Þröstur ... og gott ég gat minnt þig á uppáhaldsþýðandinn minn, Lára Hanna.

[Jenný Anna Baldursdóttir, 21.3.2008 kl. 16:10]

Er að deyja úr aðgerðarleysi.  Hef val um að krossfesta mig eins og þeir á Filipseyjum eða hlusta á Rásina og auðvitað tek ég Rásinni fagnandi.  Missi sjaldnast af þessum þáttum nema í fyrra, þá bjó ég á blogginu.

Knús á Skagann.

[Guðríður Haraldsdóttir, 21.3.2008 kl. 16:32]

Þetta er sannarlega langur dagur ... ætla reyndar að skella mér í heimsókn til vinkonu í kvöld, kannski krossfestum við okkur ef okkur leiðist ... æ, varla, það er alltaf svo glatt á hjalla þegar við hittumst. Ætli við skiptumst ekki á því að lesa upphátt Passíusálmana.