Söfnuður hinna tíu þúsund engla

Langar að vekja athygli á því að ég hef stofnað Söfnuð hinna tíu þúsund engla. Hann er til húsa hér í himnaríki. Skilyrði fyrir inngöngu er safnaðarmeðlimir gefi mér eigur sínar, tíund launanna og tilbiðji mig að auki. Þetta er söfnuður sem samanstendur af huggulegum karlmönnum sem ég hef óheftan aðgang að. Æskilegt er að a.m.k. einn sé laghentur, eigi verkfærasett og borvél og kunni að setja upp rúllugardínur. Allir vita hvað erfitt er að ná í iðnaðarmann ... sem kemur aftur.

Í himnaríki er pláss fyrir heilmörg eintök af einhleypum mönnum, lengi má stafla í kojur. Ég geri engar kröfur um greind, undirgefni nægir. Ég áskil mér líka allan rétt til að ráðstafa mönnunum til ógiftra vinkvenna, mömmu eða annarra skyldkvenna á öllum aldri. 

Hlýðnipróf verða haldin á Langasandi á morgun kl. 14-16. Mætið í sundskýlu, það verður flóð. 

52 stúlkur fluttar af búgarði sértrúarsöfnuðar í Texas

Athugasemdir

[Vera Knútsdóttir, 5.4.2008 kl. 16:44]

Þetta er snilldar hugmynd! Rosalega praktískur söfnuður, mun praktískari en aðrir söfnuðir á markaðnum

[Guðríður Haraldsdóttir, 5.4.2008 kl. 17:06]

Ef þig vantar mann, Vera mín, þá færðu einn hjá mér. Ekki spurning. Ljóshærðan eða dökkhærðan?

[Vera Knútsdóttir, 5.4.2008 kl. 17:21]

Verðuru með svona gripasýningu þar sem að maður getur bara komið og valið?

[Guðríður Haraldsdóttir, 5.4.2008 kl. 17:24]

Ég reyni að velja skynsamlega ofan í þig eins og sönnum safnaðarformanni ber! Þú hefur þó tillögurétt og málfrelsi!

[Halla (IP-tala skráð) 5.4.2008 kl. 17:27]

Góð hugmynd Guðríður, hef heyrt af atvinnulausum útlendingum sem búið er að setja á undirgefninámskeið hjá veitingahúsum og byggingaverktökum, alveg tilbúnir í kojurnar!!! ábyggilega fitt líka af allri launalausu vinnunni. Sumsé vanir, laghentir, launalausir  karlmenn.........

[Ásdís Sigurðardóttir, 5.4.2008 kl. 17:32]

Minn heittelskaði getur allt en ég læt hann ekki, mundi þó alveg lána þér hann í smá viðhald   hafðu það gott og gangi þér vel í áheyrnarprófinu.    

[Einar Indriðason, 5.4.2008 kl. 17:42]

Hvaða aðrir hlutir verða hafðir til viðmiðunar, annað heldur en góð "skora" ?

[Vera Knútsdóttir, 5.4.2008 kl. 18:29]

Ég veit þá hvert fyrsta stopp mitt verður þegar ég kem aftur heim á klakann! í himnaríki að sækja karlinn!

[Guðrún Jóhannesdóttir, 5.4.2008 kl. 18:50]

[Linda Linnet Hilmarsdóttir, 5.4.2008 kl. 19:16]

knús knús og góðar kveðjur

[Steingrímur Helgason, 5.4.2008 kl. 20:39]

Ég myndi náttúrlega glaður mæta, en það hittist illa á.  Ég er kvefaður, það er hálka á heiðinni & fundur hjá skeljabrotasöfnurum fjarðarinns á sama tíma.

En mínar bestu óskir um gott gengi & stýrivexti.

[Ingibjörg Gunnarsdóttir, 5.4.2008 kl. 20:51]

Ég sæki hér með um inngöngu í söfnuðinn!!

[Guðríður Haraldsdóttir, 5.4.2008 kl. 22:36]

Þú yrðir þá að vera í safnaðarstjórninni, Ingibjörg.

Skrambans, Steingrímur, það hefði verið flott að fá þig sem einn af tíu þúsund englabossunum mínum!  

[Ragnheiður , 5.4.2008 kl. 22:58]

Hvernig gengur að safna ? Ég á helling af köllum, minn kall, synina og tengdasynina, bræður strákanna minna (heilt fótboltalið)

Á ég að senda stóðið ? það er ágætt innlegg í söfnunina

[Guðríður Haraldsdóttir, 5.4.2008 kl. 23:35]

Já, það skal ég þiggja, fáir hafa sótt um, eiginlega engir gæjar satt að segja ...

[Anna Ólafsdóttir Björnsson, 5.4.2008 kl. 23:57]

Hanna sagði mér hvað eiginmaður stelpunnar á leigumiðluninni hennar gerði þegar hann var með iðnaðaramann að vinna heima hjá sér og þurfti að skreppa frá. Hann læsti hann inni á meðan.

[Ása Hildur Guðjónsdóttir, 6.4.2008 kl. 00:56]

Vá maður verður að taka rúnt á Langasand með kíkinn á morgun :-)

[Ylfa Lind Gylfadóttir, 6.4.2008 kl. 01:05]

Áttu eins og þrjá handa mér, vel þjálfaða að sjálfsögðu

[Jóna Kolbrún Garðarsdóttir, 6.4.2008 kl. 02:59]

Mig vantar svona altmuligman, laghentan sem kann ýmislegt fyrir sér

[Hólmdís Hjartardóttir, 6.4.2008 kl. 04:06]

Vantar einmitt iðnaðarengil....ertu með þá á lager???  Annars áróður....lækkum matarverð kíktu á bloggið mitt...uppreisn

[Steingerður Steinarsdóttir, 6.4.2008 kl. 10:09]

Já, það verður áreiðanlega félegur söfnuður sem þú situr uppi með á endanum Gurrí mín.

[Már Högnason (IP-tala skráð) 6.4.2008 kl. 15:45]

Guðríður safnar gumum þeim

sem Guðríði kunna að hlýða

safnar í ríki himnanna heim

og hefur þá til þess..... að sinna öllum helstu húsverkum sem falla til á stóru heimili 

[Már Högnason (IP-tala skráð) 6.4.2008 kl. 15:46]

Þriðja línan á að byrja á "smalar"

Svona er að vera gikkbráður. 

[Þröstur Unnar, 6.4.2008 kl. 16:54]

Það var enginn á Langasandi nema ég, og mér var kalt.

[Theódór Norðkvist, 6.4.2008 kl. 18:40]

Eiga vambsíðir enga möguleika á að komast inn í dýrðina?