Bold úr himnaríki og hitt boldið - varúð

28.5.2008 | 18:40

Bold úr himnaríki og hitt boldið - varúð

Himnaríkisbold: Erfðaprinsinn er með tannpínu dauðans og er stokkbólginn. Hann fékk neyðartíma hjá Ingjaldi tannlækni snemma í fyrramálið. Ingjaldi sem ég stökk upp úr stólnum hjá fyrir 40 árum þegar hann ætlaði að deyfa mig. Mömmu var nær að hræða mig til hlýðni með óþekktarsprautu þegar ég var lítil. Ég þjáðist af mikilli sprautuhræðslu til 21 árs aldurs. Svona voru bara tímarnir þá. Mér fannst strax heilbrigðara þegar ég hótaði syni mínum ungum að slíta af honum handleggina ... og honum fannst það svo fyndið að hann hætti að vera óþekkur.

Hitt boldið: Bridget ræðir ástamál sín við Nick, fyrrum eiginmann og núverandi stjúpföður, en Nick segir henni að Dante hafi aldrei verið nógu góður fyrir hana en Dante hefur snúið aftur til Feliciu, barnsmóður sinnar og hálfsystur Bridgetar, sem hann gat ekki hugsað sér að giftast fyrir nokkrum þáttum af því að hann elskaði Bridgeti heitast af öllu.

Taylor er búin að viðurkenna fyrir Thorne að hún hafi ekið á Dörlu, þrátt fyrir ítrekaðar aðvaranir Hectors sjúkrabílaslökkviliðsmanns (var Hector ekki sætari, er búið að skipta um leikara? Eða er það hárgreiðslan?)
„Varstu drukkin þegar þú myrtir konuna mína?“ spyr Thorne alveg brjálaður. „Ég vildi bara að þú vissir sannleikann, þetta var slys, Darla datt út á götu og í veg fyrir bílinn minn,“ kveinar Taylor. „Ásakar þú Dörlu fyrir að detta? Þú kemur hingað til að hugga mig og ert síðan bara að friða eigin samvisku.“
Taylor vaknar æpandi, þetta var bara draumur. Phoebe huggar hana og hughreystir.

Thorne hringir í Taylor og ítrekar klikkað þakklæti sitt. Til að kvelja Taylor enn meira segir hann að nú sé Darla örugglega að horfa niður úr himnaríki á hana, þakklát fyrir stuðninginn sem hún veitir ekklinum og barninu hans. Hver myndi viðurkenna að hafa óvart drepið Dörlu í þessum sporum? Ekki ég.

Bridget tekur á sig sökina vegna sambandsslitanna við Dante, hann vildi hjónaband, barn og allan pakkann, karlmenn eru svo giftingarsjúkir. Bridget er útskrifaður læknir, það gerðist í kringum andlát Dörlu og Bridget vildi ekki gera veður út af því. Ég hef reyndar aldrei séð hana opna skólabók í þessum þáttum, bara vera á kafi í flóknum ástamálum þegar mamma hennar hefur stolið hverjum kærastanum af öðrum af henni .... ókei, tveimur. Nick vill halda upp á Dr. Forrester-nafnbótina en Dr. Bridget er ekki til í það.

Donnu og Ridge kemur vel saman og þau spjalla mikið saman, daðra pínku. Nick heyrir í þeim og segir fúll við Donnu: „Ættir þú ekki að vera farin? Ridge er bara að leika sér að þér.“
R.J. litli vaknar, sonur Brooke og Ridge. Donna fer upp og þá geta hanarnir rifist. „Þú notar Donnu bara til að gera Brooke afbrýðisama.“ „Er þetta rétt, Ridge? Ertu að nota mig til að gera systur mína afbrýðisama?“ spyr Donna sem kemur niður stigann, búin að hugga krakkann. Hún virðist sár.

Að lokum kemur hér æsispennandi myndband, klippa af atburðum sem hafa nýlega átt sér stað og munu gerast í framtíðinni:

Meginflokkur: Bloggar | Aukaflokkar: Gáfuhjal, Sjónvarp, Vinir og fjölskylda | Facebook

Athugasemdir

hehe elska pistlana þína,þeir hjá boldinu ættu að ráða þig í vinnu,snilldar framsetning :)

Líney, 28.5.2008 kl. 19:41

Hvað er hann þá orðin gamall þessi tannlæknisgarmur, níræður?

Veit að Skagin á erfitt uppdráttar núna, "Gauageðveikin" árlega komin í gang, FF klífur bæjarbúa í tvær andstæðar fylkingar og Himnaríkismæðginin þar með talin, en að læknarnir séu líka eiginlega afturgöngur líka, nær nú ekki nokkurri átt!

Magnús Geir Guðmundsson, 28.5.2008 kl. 20:44

Boldið bregst aldrei. Líst ekkert á strætófréttirnar í seinustu færslu. Verurðu bara ekki að rífa erfðaprinsinn upp á rassgatinu fyrir allar aldir og láta hann keyra þig í vinnuna?

Helga Magnúsdóttir, 28.5.2008 kl. 20:54

Takk fyrir boldið Gurrí.

Magnús Geir, Skaginn rokkar sem aldrei fyrr og saman stöndum vér gulir og glaðir.

Þröstur Unnar, 28.5.2008 kl. 20:58

Knús knús og þúsund kossaryfir til þín elsku Gurrý mín,þú ert bara flottog yndisleg

Linda Linnet Hilmarsdóttir, 28.5.2008 kl. 20:58

Linka, mín var ánægjan.

Magnús minn, tannsi var kornungur þegar ég fór til hans þótt mér fyndist hann eldgamall karl þá. Hvað eru 40 ár annað en frábær reynsla?

Helga, þetta reyndist vera misskilningur í sambandi við strætó, hefur kannski verið prentvilla sem sjokkeraði hana. Allt verður í fínasta lagi, strætó bregst okkur ekki.

Ekkert að þakka, kæri Þröstur, veit þú lest þetta með áhuga og gleði, aftur og aftur.

Knús á móti, Linda.

Guðríður Haraldsdóttir, 28.5.2008 kl. 21:20

Kornungur klaufi að krafsa í kjaftin á krýlistúlku, ekki hljómar það kátlega!

En núnú, vonandi hefur hann ekki drepið of marga á þessum fjörtíu árum!?

Það er hins vegar þetta með ykkur Þröstinn, þið eruð mér svo ofarlega í huga núna!

Mikið held ég, mörgum þætti gaman,

ef mögulega engin finndist löstur.

Í guðshúsi þau gefin yrðu saman,

Gurrí Har og litli fuglinn Þröstur!

Magnús Geir Guðmundsson, 28.5.2008 kl. 22:37

Og já, gleymdi að taka það fram, að ykkur báðum turtildúfunum, er velkomið að játa ást ykkar á mér.

Nú eða hatur!

Magnús Geir Guðmundsson, 28.5.2008 kl. 22:39

Magnús minn, ertu alveg að fara yfir um? Þetta var sárasaklaus hittingur við mjólkurkælinn. Við ræddum aðeins um kókómjólk og lýstum yfir andúð okkar á sykruðum mjólkurvörum. Varla mikil rómantík í því, gamli geithafur!

Guðríður Haraldsdóttir, 28.5.2008 kl. 22:48

Rétt Gurrí, en helv. góð vísa hjá kallinum.

Þröstur Unnar, 28.5.2008 kl. 23:17

Jamms, hann kann að yrkja, karlinn!

Guðríður Haraldsdóttir, 28.5.2008 kl. 23:28

Magnúsinn er einstakur í stökusmíði, en nú hefnist þér himnaríkisprinsessunni letin við að kenna erfðaprinsi sínum á kórrétta beitíngu á tannbursta & virkandi brúk á 'flozzeríi'

Steingrímur Helgason, 29.5.2008 kl. 00:26

Æææææ, tannpína er bara verst!!!! Ég þarf einmitt að fara með alla krakkana mína til tannsa, bara að láta hreinsa, og athuga með tannréttingar handa tvíburunum