Góð afmælisgjöf og nokkrir Norrisar í viðbót

Fallegt veðrið í dag en smá vindur. Nenni alla vega ekki að liggja í sólbaði. Líklega verður bæjarferð farin í dag eftir þriðjudagssjúkraþjálfunina kl. 13 sem féll niður vegna einhverrar þjóðhátíðar. Ætla þó ekki að missa af Portúgal og Þýskalandi á EM. Ég reyni eftir bestu getu að vera kvenleg og horfa á lærin á fótboltamönnunum en leikurinn nær alltaf tökum á mér og kvenleikinn og lærin steingleymast. Mér finnst það samt eðlilegra þótt ég sé dama (og auðvitað vitlaus í stráka).

 

Þegar ég fór til Nönnu Rögnvaldar í matarboð um daginn gaf hún mér afmælisgjöf fyrirfram, æðislega bók sem heitir The Truth about Chuck Norris – 400 Facts about the World Gratest Human og er eftir Ian Spector. Hér koma nokkrir Norrisar í viðbót:

 

- Ekki vita margir að það er aðeins þrennt sem lifir af heimsendi. Kakkalakkar, Chuck Norris og skegg Chucks Norris.

 

- Einu sinni át Chuck Norris heila verksmiðju af svefnpillum sem olli því að hann blikkaði augunum.

 

- Krakki nokkur rændi einu sinni hattinum af Chuck Norris og hljóp síðan inn í eplagarð. Chuck Norris varð svo reiður að hann fann upp eplasósu af tómri slysni.

 

- Chuck Norris getur skapað svo þungan stein að hann getur ekki lyft honum sjálfur. Að sjálfsögðu lyftir hann honum til að sýna hver í fjandanum Chuck Norris er.

 

- Ef þú þekkir einhvern sem líkar illa við Chuck Norris muntu ekki þekkja viðkomandi lengi.

 

- María mey sá andlit Chuck Norris í grillsamloku.

 

- Alltaf þegar konan hans Chuck Norris segir honum að nú sé komið að honum að vaska upp fleygir hann óhreina leirtauinu í ruslið og segir henni að hún sé feit.

 

- Chuck Norris gefur blóð reglulega. Bara aldrei eigið blóð.

 

- Chuck Norris bað einu sinni um Big Mac á Burger King ... og fékk hann.

 

- Það eina sem Chuck Norris hefur nokkru sinni glatað er sveindómurinn.

 

Eigið frábæran dag!

Athugasemdir

[Jenný Anna Baldursdóttir, 19.6.2008 kl. 13:08]

"- Alltaf þegar konan hans Chuck Norris segir honum að nú sé komið að honum að vaska upp fleygir hann óhreina leirtauinu í ruslið og segir henni að hún sé feit."  Gargandi brilljans!

Gleðilega hátíð.

[Þröstur Unnar, 19.6.2008 kl. 13:20]

Hvurnig í fjáranum ferð þú að því að sjá læri þegar allir eru í hnébuxum?

Habbðu bara lærið í ofninum í kvöld kona, er á leiðinni.

[Helga Magnúsdóttir, 19.6.2008 kl. 13:31]

Þetta er greinilega geðveikt flottur töffari. Maður dettur alveg niður í gelgjuna við það að lesa um kappann.

[Edda Agnarsdóttir, 19.6.2008 kl. 16:18]

Ég sendi þér hamingjuóskir í tilefni dagsins sem er Kvenréttindadagur Íslands mín kæra!

[Theódór Norðkvist, 20.6.2008 kl. 10:14]

Það má heimfæra brandarann úr Rambo 3 yfir á Chuck Norris, þegar rússneski hershöfðinginn spyr í forundran hver þessi Rambo sé sem allir séu logandi hræddir við:

Hver er þessi Chuck Norris? Er hann Guð?

Einn svarar: Nei, hann getur ekki verið Guð. Guð myndi sýna miskunn.