Guðni Ág. öskureiður og Thorne trylltur - brjálað bold

Ja, hérna. Sverri Stormsker tókst að gera Guðna Ágústsson, fv. landbúnaðarráðherra, svo brjálaðan í útvarpsviðtali í dag að hann rauk á dyr.

Sjá: http://dv.is/frettir/2008/7/30/gudni-rauk-dyr-hja-stormsker/

 

„Þú myrtir konuna mína,“ segir Thorne alveg sjokkeraður í boldinu. „Og ég sem bað þín! Þú laugst að mér og dóttur minni.“ Thorne er að sleppa sér. „Kennirðu Dörlu um þetta?“ öskrar hann svo þegar Taylor segir að Darla hafi dottið fyrir bílinn (sem er satt). Stefanía fréttir af þessu og ætlar að drífa sig upp í Big Bear, sumarhús fjölskyldunnar, þar sem Thorne hafði ætlað sér að eiga rómantíska stund með Taylor. Þá hringir dyrabjallan, Baker fulltrúi kominn í heimsókn. Hann segist vita að Taylor hafi setið undir stýri og heimtar að þau játi öll með tölu!

Geðlæknirinn geðþekki segir Thorne hvað henni líði illa og hún sjái í sífellu fyrir sér óttaslegið andlit Dörlu á framrúðunni. Eins og það sé þetta sem Thorne þarf helst að heyra þessa dagana. Taylor nuddar meira salti í sárin ... „nú sér Darla litlu stúlkuna sína aldrei vaxa upp. Ó, andlitið á henni á framrúðunni hjá mér. Ég elska þig og hvert sem ég fer mun ég biðja fyrir þér. Þú verður í hjarta mínu til eilífðar!“ Samt vitum við áhorfendur að hún á eftir að deita Nick og verða ófrísk eftir hann með eggi Brooke, hún á líka eftir að deita son Brooke, hann Rick. Síðan hringir hún í fulltrúann, þar sem hann er staddur hjá hinum sem vissu, og játar allt. Hann sendir samstundis löggubíl eftir henni.

Nú er Taylor komin í varðhald og lúmskur Baker fulltrúi lætur hana segja frá öllum sem vissu af þessu; dótturinni Phoebe, Hector slökkviliðsmanni og Stefaníu sem teljast samsek og geta lent í fangelsi. Þegar hún af heimsku sinni er nýbúin að „skvíla“ þessu kemur Ridge, fyrrum eiginmaður hennar og pabbi Tómasar og tvíburanna, og bannar henni að tala meira fyrr en lögfræðingur er mættur.

Phoebe fer til Thorne, föðurbróður síns, og biður hann um að fyrirgefa þeim, aðallega Taylor, mömmu hennar. Thorne segist ekki trúa því að Darla hafi dottið fyrir bílinn, það sé léleg afsökun. Gullfalleg lyftutónlist ómar svo eftir að hann er orðinn einn. Hugsa sér, tvöföld sorg. Fyrst deyr konan hans og svo örfáum vikum síðar, þegar hann er orðinn ástfanginn af Taylor, þarf hún endilega að vera ökumaðurinn sem keyrði á Dörlu. Aumingja Thorne. Hvernig fer þetta?

Athugasemdir

[Ásdís Sigurðardóttir, 30.7.2008 kl. 19:26]

Thorne gæti leitað til Brook, hún hefur áður verið honum góð og núna þegar hún er reið út í Nick en ekki byrjuð með Ridge þá ætti þetta að sleppa til.  En er ekki Big bear heilsárshús  eins og það skipti einhverju, ætla að hlusta á Guðna

[Linda Linnet Hilmarsdóttir, 30.7.2008 kl. 19:42]

[Þröstur Unnar, 30.7.2008 kl. 20:34]

Eða Femin?

[tatum, 30.7.2008 kl. 22:27]

Það hefur viðgengist allt of lengi að stjórnmálamenn á Íslandi hafa komið sér undan svörum fjölmiðlafólks, svara bara því sem þeim finnst svaravert!  Ég fagna því að í fjölmiðla landsins sé komið fólk sem þorir að krefjast svars við spurningu, það er nýtt fyrir stjórnmálamenn okkar lands (hefur tíðkast í öðrum löndum lengi), stjórnmálamenn Íslands kunna ekki að svara heiðarlega, það hefur ekkert verið gert hérlendis í stjórnmálum á heiðarlegan hátt, það er alltaf þessi feluleikur!  Segir þú sannleikann þarft þú ekkert að fela, en ef þú byrjar að ljúga þarftu alltaf að vera að finna nýja sögu!  Eða var þetta ekki einhvernvegin svoleiðis?  Í dag hleypur hver stjórnmálamaðurinn undan fréttamönnum! Af hverju? 

[Jens Guð, 31.7.2008 kl. 02:49]

  Það var ferlega fyndið að heyra Guðna tapa áttum og klúðra spjallinu við Stormskerið.  Kallanginn tapaði "kúlinu" og gerði sig að fífli með því að velja klaufalegustu viðbrögð við gríninu.  Flúði af hólmi með skottið á milli lappanna.

[Lilja Guðrún Þorvaldsdóttir, 31.7.2008 kl. 13:58]

Æ, æ, svo bregðast krosstré sem önnur ... ! Það væri nú gaman að heyra hvað það var sem reytti Guðna svo mikið til reiði, að hann rauk á dyr. - Gekk Sverrir kannski of langt í "húmornum" ? - Hvar getur maður heyrt þáttinn? -

[Guðríður Haraldsdóttir, 31.7.2008 kl. 14:20]

Held að þátturinn verði endurtekinn á laugardaginn á www.utvarpsaga.is. Heyrði það einhvers staðar en hef ekki traustar heimilidir fyrir því.

Hefði gjarnan viljað heyra þetta. Ég nokkrum sinnum að hlusta á þennan þátt þegar Halldór frændi var með Stormsker og fannst þeir bara fyndnir, man ekki eftir neinum dónaskap við viðmælendur! Hef hitt Guðna og fannst hann voða indæll. Húmor þeirra Stormskers fer greinilega ekki saman.