Á heimleið ...

2.2.2007 | 17:37

Sit hér næstum ein og næstum því sauma ... hér komu upp tafir sem bitna á tímasetningu heimferðar ... væl, væl. Má teljast heppin ef ég næ strætó á sæmilegum tíma ... en ef ég missi af 18.30 vagninum er ég svo gott sem dauð ... úr spælingi. Þyrfti þá að bíða í tvo tíma eftir næsta og missi af hluta X-Factor. Annað hvort er ævintýraþráin horfin eða morðingjum hefur fjölgað til muna á Íslandi því mig langar ekki á puttanum heim. En helgin er fram undan með öllu sínu brimi og guðdómlegum „húsverkjum“. Tókst meira að segja að lesa blöðin í dag ... sem er afrek.

Ásta á stórafmæli um þessar mundir, varð 45 ára í gær og heldur upp á það í Húsafelli um helgina, skildist mér á einum strætóbílstjóranum í fyrradag. Sendi henni SMS áðan með hamingjuóskum.

Sigþóra er orðin fimmtug og heldur upp á það annað kvöld, minnir mig. Mér er boðið þannig að það er eins gott að finna boðskortið svo að ég mæti ekki sólarhring of seint!!! Vona að það verði á morgun. Kannski maður tæti svolítið í körlunum, rifji upp gamla takta ... en bara þeim ókvæntu, auðvitað!

Ég á líka stórafmæli næst, enn stærra þarnæst og vá, tryllingslega stórt þar á eftir ... osfrv. ... auðvitað á maður stórafmæli á hverju ári ... ég hef t.d. aldrei áður verið svona gömul eins og ég er nákvæmlega í dag! Samt svona ung!P.s. Næ strætó kl. 18.30 frá Mosó, er að fara út núna, jesssss! Bless í bili!

Flokkur: Bloggar | Facebook