Sláandi fréttir af upprisu Taylor og sorgleg slátrun í X-Factor

Þá er elskan hún Jóhanna dottin út úr X-Factor en ég held að Einar hafi ekki verið að hefna sín á Ellýju síðan síðast þegar hann henti henni út! Einar er heppinn, einn ... jafnvel tveir keppendur hans hefðu átt að vera á botninum ...! Svona er nú smekkur þjóðarinnar misjafn.

 
Ég fékk sláandi fréttir í hádeginu í dag af Boldinu. Sagði samstarfsfólki að ég væri farin að fylgjast með því og það til að bjarga geðheilsu bloggvina sem vinna frá morgni til kvölds og missa því alltaf af þessum heillandi þáttum.

Ég minntist á upprisu Taylors og þá sagði ein samstarfskonan að Taylor hefði dáið í alvörunni í þáttunum, þessi aðdáandi hennar, soldáninn, hefði flutt hana til Egyptalands og endurlífgað með fornri tækni ... eflaust frá tímum faraóanna en ekki hvað!

Engar mútur á læknavaktinni ... veit ekkert hvaðan ég hafði það! Nú veit maður alla vega hvers vegna varirnar eru svona bólgnar, collagen hið forna klikkar aldrei!

 
Hlakka til að horfa á The Devil wears Prada núna á eftir! Spólan (ókei, DVD-ið) er að hitna á sófaborðinu! Það er einhver viðbjóðslega leiðinleg mynd á Stöð 2 núna, það er ekki einu sinni hægt að hlusta á hana! Úfffffffff!

Athugasemdir

[Vilborg Valgarðsdóttir, 23.2.2007 kl. 23:39]

Takk ljúfust, þú reddar deginum að venju. En þetta er óhuggulegt með Taylor og gæti bent til þess að hún sé bara tímbundið komin aftur, galdurinn sem soldáninn gerði virkar kannski bara í mánuð eða eitthvað.

Endilega segðu okkur álit þitt á The Devil Wears Prada, bara á morgun sko ...!

[Doddi - Þorsteinn G. Jónsson (IP-tala skráð) 24.2.2007 kl. 02:38]

Vildi bara láta þig vita - að myndir af keppendum er t.d. hægt að sjá á www.xfactor.is undir hnappnum "Keppendur".

Við virðumst jú, eins og þú hefur minnst á, vera samt með ansi svipaðar hugmyndir um uppáhöld  ...

[Gunna-Polly, 24.2.2007 kl. 10:25]

en hvað varð um Amber og barnið henna?

[Guðný Anna Arnþórsdóttir, 24.2.2007 kl. 11:50]

Hafið það skemmtilegt, kæru bloggvinir. Hlakka til að vera með í apríl!

[Kristín M. Jóhannsdóttir, 25.2.2007 kl. 07:20]

Mamma og pabbi horfa á þessar sápur sem sýndar eru á Íslandi. Í fjölskyldunni eru þessir þættir kallaðir 'Næringin' og þannig litið á að ef mams og pabs fá ekki næringuna sína þá sé voðinn vís.