Hættuleg sjúkrahússápa og ástir á Akureyri ...

7.3.2007 | 00:51

Hættuleg sjúkrahússápa og ástir á Akureyri ...

Vélstýran horfir aðgerðalaus á Sigrúnu binda Hall á höndum og fótum, enda að grúska í ættfræði. Ester gerir heldur ekkert til að hindra það, heldur gleðst yfir að nú sé raunum Zordísar endanlega lokið. Sverrir hnussar þegar Grafarþögn þakkar Gerðu fyrir lífgjöfina á Grillhúsi Guðmundar en Ágúst átti nú mestan heiðurinn af því.

Á sama tíma í Hollandi: Bragi ákveður að fara í líkamsrækt en neyðist til að fara nakinn þannig að dulargervið virkar ekki lengur, nú sjá allir að hann er ekki kona.

Á sama tíma á Akranesi: Svarti bíllinn þýtur enn og aftur eftir Skagabrautinni. Undir stýri er Fararstjórinn en Stína segir henni til vegar. Percy situr aftur í og blandar sér ekki í málið. Hann les nýjustu Vikuna og maular konfekt. Elena bendir ákaft á glæsilegt hús og segir að þetta sé sjúkrahúsið.

Arna Hildur, dulbúin sem læknir, tekur á móti þeim og spyr hvað hún geti gert fyrir þau. Pálína birtist hjá innganginn að heilsugæslustöðinni og miðar á þau byssu. Við hlið hennar er Keli sem heldur á tímaritabunkanum sem Gurrí kom með á spítalann fyrr um daginn. Hirti tókst ekki að skjóta hana á leiðinni og ná blöðunum þótt litlu munaði við Harðarbakarí.

Fannberg birtist eins og draugur, alveg upp úr þurru, enda í þurrbúningi, og segist geta ráðið dulmálið í tímaritunum, en skilyrðið sem hann setur var að engum verði gert mein og að Ágúst fái að sína ástkæru Helgu Völu á nýjan leik en Stebbi hafði rænt henni á þingi Samfylkingarinnar fyrr í mánuðnum og geymt hana í Laugatúni. Björg reyndi að standa undir nafni og koma til bjargar en tókst ekki.

Á sama tíma á Þingeyri: Gyða situr og nagar neglurnar, hana syfjar og hún hugsar til Sifjar í kjölfarið en hún og Halkatla berjast nú hatrammri baráttu um ástir Hólmgeirs ... sem sér enga aðra konu en Gunnu Pollýju.

Í Kanda: Kristín er full ... reiði gagnvart Huldu sem hafði skrökvað ruglsögum upp á Britney Spears sem í kjölfarið var ættleidd af George Clooney. Málið gat allt haft afar alvarlegar afleiðingar fyrir Siggu Dögg og viðkvæmt samband hennar við Karólínu. Ragnar neitar að blanda sér í málið þannig að Agný sér sér leik á borði og skráir sig í rafvirkjun. Eydís skellir sér með en í allt öðrum tilgangi en að læra.

Á Akureyri nokkrum klukkustundum fyrr: Á daglegri gönguferð sinni með hundinn sem er ekki hundur í raun, heldur köttur, rekst Svala á Dodda sem hafði verið að raða nokkrum börnum á leikvellinum í stafrófsröð. Með þeim takast óvænt ástir, þrátt fyrir tilveru Kristjáns og krakkaormanna og Svövu og tvíburanna.

Hvernig reiðir Guðmundi af þegar reynt verður að fletta ofan af honum? Getur Karólína nokkuð gert í þessu máli, eða þarf Skessa, tilvonandi tengdamóðir hans að láta til sín taka? Er ekki komið að því að Maja segi allan sannleikann um Katrínu ríku og tengsl hennar við brúneygða stöðumælavörðinn sem sektar aldrei neinn, heldur fylgir Svönu eftir eins og skugginn. Hver er þessi dularfulli stöðumælavörður? Hann líkist Pétri en Ingibjörg heldur því blákalt fram að þetta sé Jens Guð. Hvaða Geggjun er í gangi?

Aðalpersónur næsta þáttar verða m.a.: Katrín Anna, Ólaf, Kleópatra, Vilborg, Steingerður, Hugarfluga, Anna Bjö, Brynja, Sigurður, Guðný Anna, Ívar, Margrét Annie, Gua, Binna, Himnafaðir, Saumakona, Killer Joe, Ingibjörg G, Guðrún Ax, Halldór, Jenný og Auður.

Flokkur: Bloggar | Facebook