Allt fullt ... af einhverju ...

Dagurinn í dag er ekta dagur til að fara í heitt freyðibað og lesa ... horfa svo á sjónvarpið eða DVD-spólu og lesa meira. Svona letidagur til að hvíla sig. Mér tókst að sofa til tvö! Fór reyndar ansi seint í háttinn í gær ...

Hér heyrist ekkert nema gnauðið í vindinum, það er ekki einu sinni rigning til að auka fjölbreytnina ... sem betur fer. Gluggarnir eru fullir af þurrum handklæðum ... Sjórinn er fullur af pínulitlum hraðskreiðum gárum ... ég er full ... af leti.  

Mamma með langömmustrákana sína. Hún er tvíeggja tvíburi eins og þeir. Úlfur t.v. og Ísak.  

Já, hann Halldór frændi. Einu sinni sat hann inni í eldhúsi hjá Hildu systur og við vorum nokkur saman að brjóta saman einhvern bækling eða setja límmiða á hann ... man það ekki alveg.
Hann ruggaði sér næstum stöðugt á hvíta plaststólnum (útihúsgagn) þrátt fyrir að Hilda segði að hann gæti brotnað. Og hann brotnaði og Halldór skall í gólfið.
Þrátt fyrir að Hilda hlæi alltaf tryllingslega ef einhver meiðir sig nógu mikið (beiskjufull minning) þá spurði hún umhyggjusöm hvort Halldór hefði nokkuð meitt sig.
Halldór stundi, brölti á fætur og sagði: „Nei, þetta eru gleðitár!“

Athugasemdir

[SigrúnSveitó, 31.3.2007 kl. 15:54]

hahaha góður.

Hilda er sem sagt svona eins og ég...spurðu bara Einar...ég græt enn úr hlátri við tilhugsunina þegar hann BRAUT nýja útilegustólinn þar sem við vorum stödd á tjaldstæði í Hamborg...dýrðleg sjón...hann meiddi sig ekkert mikið...held ég...

[Steinunn Helga Sigurðardóttir, 31.3.2007 kl. 16:06]

[Saumakonan, 31.3.2007 kl. 16:12]

LOL

[Bertha Sigmundsdóttir, 31.3.2007 kl. 16:37]

Hahahahahahaha.....hahahahahah....nei, bíddu hehehehe, góður

[www.zordis.com, 31.3.2007 kl. 18:01]

Hef prófað að húrra í gólfið af TRéStól .... nú nýlega, hélt á sofandi syni mínum í fanginu og stóllinn sem var að liðast í sundur gaf sítt síðasta rugg .... Ég er með þann ljótasta blett á rasskinninni ever, trúðu mér og ég hló eins og brjálæðingur en syni mínum brá!