Frábært jólafrí í nánd

Þá er þessu allt of stutta páskafríi lokið. Það leið a.m.k. ansi hratt. Hversdagurinn hefst á morgun með öllum sínum gleðilegu strætóferðum, skemmtilegu samstarfsfólki og spennandi verkefnum. Það styttist til jóla en jólafríið verður óvenjulangt í ár. Aðfangadagur er á mánudegi sem er alveg dásamlegt!

Veðrið í dag hefur verið mjög undarlegt, ýmist sólarglenna eða hellirigning. Samt sé ég masókista á öllum aldri í göngutúr niðri á Langasandi ... hetjurnar!  

Annar í páskum hefur boðið upp á fleira spennandi en veðrið og heimsókn. M.a. heljarinnar sinadrátt í annan kálfann sem olli því að ég hef haltrað um allt himnaríki í dag. Skárra en ekkert, myndu sumir segja.

Í þessarri viku kemur smiðurinn minn almáttugur og lagar allt í kringum nýju svaladyrnar og við getum síðan farið að pæla í nýju eldhúsi og baði.

Athugasemdir

[Jenný Anna Baldursdóttir, 9.4.2007 kl. 19:02]

Jólin eru bara handan við hornið.  Jiiiiii ég hlakka til

[Jónsi (IP-tala skráð) 9.4.2007 kl. 21:22]

Spaklega mælt... lítið betra en ekkert, þó á vitlausum stað sé

P.s.  5 Óskara + Bafta + Emmy + Grammy

[Kristín Katla Árnadóttir, 9.4.2007 kl. 22:42]

Ég verð að segja að þú ert engum öðrum lík Gurri mín.

[Guðný M, 9.4.2007 kl. 23:53]

Svona á að gera þetta...alltaf að líta á björtustu hliðarnar á björtustu hliðunum! Sjáumst á morgun.

[Guðný Anna Arnþórsdóttir, 10.4.2007 kl. 00:31]

Nú á ég nýjan uppáhaldsleikstjóra og handritshöfund. Guess who?

Góða strætóferð á morgun!

[Bertha Sigmundsdóttir, 10.4.2007 kl. 01:11]

Þú verður fyndnari með hverjum degi, hvernig er það eiginlega hægt?????? Það hlýtur að hafa eitthvað með himnaríki að gera, the happiest place on earth...fyrir utan mitt himnaríki Kossar og knús

[Svava S. Steinars, 10.4.2007 kl. 01:16]

Sinadráttur er ekki skárri en enginn dráttur, amk er það mín bitra reynsla.  Bollywood hefur greinilega flust yfir á Akranes

[Steinunn Helga Sigurðardóttir, 10.4.2007 kl. 07:00]

gott video. því miður eru páskarnir búnir, en það er gott að sjá sinn innri mann

ljós til þín

steina