Ég vil vera memm!

Það má alveg kalla mig femínistabelju (dirfist bara) ... en mér finnst of mikil slagsíða, allt of fáar konur, í stöðu „vitringanna/álitsgjafanna“ í kosningasjónvarpi Stöðvar 2. Á RÚV (í tölvunni minni) eru núna Hallgrímur Helgason og Óli Björn Kárason, alveg stórfínir báðir, en hvar eru stórskemmtilegu og vitru konurnar? Það síast inn í fólk að karlar hafi einir vit á stjórnmálum þegar bara karlar eru sýndir. Hundrað allra nánustu bloggvinir mínir vita að ég er vitlaus í karlmenn, þetta er ekki karlahatur, enda er það útbreiddur misskilningur að fimínismi snúist um það. Ég vil bara vera memm!

Þessi slagsíða getur vissulega breyst þegar líður á nóttina, vonandi, en þá verð ég sofnuð. Möguleg uppsetning litlu svalanna neyddi mig til að vakna fyrir allar aldir. Ætli maður hafi ekki heil fjögur ár til að láta úrslitin síast inn, svona ef maður tekur pollýönnuna á þetta.

Athugasemdir

[Sigríður Jósefsdóttir, 13.5.2007 kl. 10:53]

Anna fór víst með Hallgrími, á Grand Hótel sagði hún.  Hefði nú samt viljað sjá hana í útsendingu.  Kveðjur,