Útrás í stórborginni

1.6.2007 | 16:21

Mér finnst alltaf frábært að koma í höfuðborgina ... geta væflast um nakin, setið drukkin á garðbekk, krotað á skilti í Kringlunni, sungið í strætó, horft lymskulega á lögregluna og verið algjörlega óþekkt. Þetta eru mínir bestu og mest afslöppuðu dagar þegar ég missi mig í stórborginni. Ef einhver kallar: "Gurrí," þá segi ég, "Neibbs, ég er systir mín." Þá liggja Mía, Hilda og Helga í því. Á Akranesi halda allir að ég sé fullkomin, enda haga ég mér óaðfinnanlega þar. Það er betra fyrir mannorðið að fá útrás í Kringlunni en í Einarsbúð.

Akraborgin mun liggja við Akranesbryggju á morgun, laugardag, og við megum skoða hana. Veit ekki hvaða upplýsingar þetta voru sem ég var fóðruð með ... að skipið sigldi á milli. Hefði verið mjög gaman, viðurkenni það vel.

Flokkur: Bloggar | Facebook

Athugasemdir

Má ég koma á Akranes og leika mér svona.... hehehe ;)

Eva Þorsteinsdóttir, 1.6.2007 kl. 16:30

jamm eða ég að hryðjuverkast...

Ólafur fannberg, 1.6.2007 kl. 17:09

Þú ert nú orðin svo fræg í gegnum þetta moggablogg að það þýðir ekkert fyrir þig að ætla að væflast um nakin í Reykjavík. Einhver mun ná mynd og Pétur Gunnarsson mun svo skúbba fréttina.

Kristín M. Jóhannsdóttir, 1.6.2007 kl. 17:28

verst að vera lasin og missa af þessu öllu - greinin í Ísafold sem allir eru að tala um myndi að sjálfsögðu falla í skuggann ef þú létir verða af þessu öllu saman. eigðu gott frí kv Ingibjörg Þ

Ingibjörg R Þengilsdóttir, 1.6.2007 kl. 20:04

Má ég vera memm næst þegar þú ferð á Reykjavíkurflipp? Ég er líka svo óþekkt þar að það væri í góðu lagi. Og þó svo einhver þekkti okkur, what the heck? Hvað væri það versta sem gæti gerzt? Einhver hneyklaðist. Og bættur væri skaðinn.

En Akraborg: Verður ekki einhver ævintýramaður til að beita sér fyrir því að millilandasiglingar hefjist aftur Akranes-Reykjavík? Ef svo yrði, myndirðu frekar sigla? Gæti ekki Tommi bara orðið skipper?

Guðný Anna Arnþórsdóttir, 1.6.2007 kl. 22:30

Akraborgin? Ertu að tala um Sæbjörgu?

Brynja Hjaltadóttir, 2.6.2007 kl. 01:20

Þú verður bara með grímu fyrir andlitinu, þá þekkir þig enginn. Fínt að geta skandaliserað í Reykjavík, maður bara setur upp grímuna, slengir brjóstunum aftur fyrir axlir og slettir almennilega úr klaufunum

Sigga (IP-tala skráð) 2.6.2007 kl. 01:46