Sætt myndband og bold-skýrsla

Hafgolan er svöl en það er ég líka. Þar sem ekki var hægt að hanga á svölunum hef ég eytt tímanum í tölvunni og síðasta klukkutímanum í að horfa á youtube. Fann fyndin kisumyndbönd en hljóðin í kisunum þar æstu upp kettina mína sem héldu hvor um sig að hinn væri með þessi óhljóð. Þar sem lá við slagsmálum í himnaríki fór ég á aðrar lendur og fann m.a. þetta hér:  http://www.youtube.com/watch?v=En0A8KGMgq8

Þvílíkt krútt þessi stelpa og skemmtileg keppni þarna á ferð. Meira að segja Simon sjálfur lét heillast.  
Gestirnir mínir voru að hringja og eru á leiðinni með súkkulaði með kaffinu.

Brooke er vond við Nick og segir honum að ástin milli þeirra komi ekki til greina þar sem hann eigi von á barni með dóttur hennar. Hann langar frekar að vera stjúpafi barns síns en faðir en ég held að henni takist að telja honum hughvarf. Bridget er enn föst í afsökunargírnum þótt hún hafi aðeins drýgt þá synd að skrökva.  Gaby og Tómas hafa nú sofið saman í trássi við vilja foreldra Tómasar; Ridge og Taylor. Fleira markvert gerðist ekki, nema ég hafi misst af því á meðan ég var að skrifa.

Athugasemdir

[Laufey Ólafsdóttir, 12.6.2007 kl. 18:08]

Æi! Ógisslega sætt! Horfði líka á fleiri keppendur og er sammála, skemmtileg keppni.

Bóldið er að toppa sjálft sig í asnalegheitum þessa dagana. Er rétt eins og strætókerfið í Reykjavík að sanna að LENGI getur vont versnað.

[Jenný Anna Baldursdóttir, 12.6.2007 kl. 18:20]

Merkilegt Gurrí en er sjálf búin að liggja í kisumyndböndunum með Jenny.  Við hlógum mikið.

Það er kraftaverk að sjá hinn cyniska Simon missa kúlið.  Conny er æði.

[Kleópatra Mjöll Guðmundsdóttir (IP-tala skráð) 12.6.2007 kl. 23:00]

Gurrí ávalt svöl ekki spurning

[Magnús Geir Guðmundsson, 13.6.2007 kl. 00:25]

Halló, halló, þú fröken svöl á svölum úti!

[Anna Ólafsdóttir (anno) (IP-tala skráð) 13.6.2007 kl. 00:33]

Gúdd gríííf ... hvað þetta var sætt myndband! Ég hafði ekki hugmynd um þessa keppni - Og heyra svo Evu Cassidy í bakgrunni skemmdi ekki fyrir

[Jóna Á. Gísladóttir, 13.6.2007 kl. 00:43]

Maður bara tárast yfir þessu. Grenjaði svo yfir þessu: http://youtube.com/watch?v=GMq_CcjQiW0