Af hvölum og köttum

Flýtti mér heim með fyrsta strætó eftir síestu vagnstjóranna, spennt að vita hvernig kattasambýlið hefði gengið fyrsta daginn. Ef ég hefði ekki skilið alla glugga eftir harðlokaða væri ég núna að leita að Bjarti ÚTI. Hann var hvergi sjáanlegur og kom ekki þótt ég kallaði. Hann birtist loksins malandi og ánægður með að sjá frænku. Nú víkur hann ekki frá mér. Hann hefur m.a. legið í glugganum við hliðina á mér, á lyklaborðinu og nú ofan á dagblöðunum í dag sem eru ofan á skrifborðinu.
Þrátt fyrir geigvænlegan hita í himnaríki bjó ég mér til heitan latte ... akkúrat það sem þurfti. Hefði farið í Skrúðgarðinn ef áhyggjur af kisunum hefðu ekki komið til. Þær voru óþarfar.

Gaf Tomma og Bjarti smá blautmat (jólamat) til að þeir gætu sameinast um eitthvað skemmtilegt (Kubbur borðar ekki svona) ... en þegar Bjarti fannst Tommi kominn of nálægt sér urraði hann og slæmdi loppunni í hann. Aumingja Tómas hefðarköttur flúði undir eldhúsborð, grútspældur út í þennan fyrrum leikfélaga sinn. Ástandið verður orðið gott á morgun eða hinn, ég er viss um það.

Niðri á Langasandi lá lítill hvalur, hálfur uppi á landi og hálfur í sjónum. Mjög skrýtið hvað fólkið á sandinum kippti sér lítið upp við þetta. Það var ekki fyrr en ég miðaði stjörnukíkinum á gripinn að ég sá að þetta var uppblásið leikfang, svona míní-keikó. Hann sést á myndinni, er í sjónum fyrir aftan Bjart, rétt við hausinn á honum.

Athugasemdir

[Jenný Anna Baldursdóttir, 16.7.2007 kl. 17:27]

Hahahahahaha stjörnukíkirinn!  Hafði ég þá rétt fyrir mér allan tímann?  Ég dey!

[halkatla, 16.7.2007 kl. 17:32]

kötturinn minn gerir ekkert annað en að labba um og veina, ég veit ekki hvað er að hjá henni. Svo dreymdi mig tvo undarlega ketti í nótt, og svo kom loftárás!!! hélt að þú vildir kannski vita þetta

[halkatla, 16.7.2007 kl. 17:33]

p.s þessi köttur er hrikalegt krútt

[Þröstur Unnar, 16.7.2007 kl. 18:14]

Það er nú svo skrítið að ég átti leið þarna hjá, þegar"hvalurinn" svonefndi lá þarna í fjöruborðinu. En ertu viss um að stjörnukíkirinn hafi verið rétt stilltur? Ég get svarið að þarna var hvorki hvalur né hvalslíki á ferð heldur áðurnefndur Loch Ness. Var einmitt að spökulera í að skjótast heim og ná í hagglarann, en guggnaði á því.

En nú veit maður að það er ekki lengur save að stripplast á Langasandi, allstaðar njósnarar að kíkja.

[www.zordis.com, 16.7.2007 kl. 18:17]

Það er heilmikið ábyrgðahlutverk að passa kisur.  Gangi þér vel með þessar krútttúttur ....  Er fólk almennt að baða sig í sjónum og stripplast um á fullu?

[Þröstur Unnar, 16.7.2007 kl. 18:18]

Auddað zordis.

[Ásdís Sigurðardóttir, 16.7.2007 kl. 19:06]

gott að hvalurinn var úr plasti

[Bragi Einarsson, 16.7.2007 kl. 19:20]

Auðvitað hefur hann litið út eins og hvalur, fyrst að þú notar stjörnukíkir, kona! En kisi kann að stilla sér upp fyrir linsuna, hehehe!

[Guðný Anna Arnþórsdóttir, 16.7.2007 kl. 21:59]

Öldungis stórkostlegt !

[Jóna Á. Gísladóttir, 16.7.2007 kl. 22:00]

Fjarstýrður Keikó  

Ég held þú þurfir að bíða lengi Gurrí mín eftir því að Bjartur og Tommi verði bestu vinir.

Anna Karen, hvað er kisan þín gömul. Eða ung?

[krossgata, 16.7.2007 kl. 22:15]

Það er tvennt sem mig hefur alltaf langað í, fiðlu....... og stjörnukíki!!!

[Matthilda M. Eyvindsd Tórshamar, 16.7.2007 kl. 23:28]

Ég er með tvær kisur, einn 6 ára, ofurvaxinn högna og 3 mánaða ofvirka læðu. Það gekk ekkert rosalega vel til að byrja með, en eftir svona 3-4 daga voru þau orðin bestu vinir, hann leyfir henni meira að segja að borða úr matardiskinum sínum, þessi elska.