Þyrnirós ...

Einhver ótrúlegur svefnhöfgi sveif yfir vötnum í himnaríki í gær og gengið var til náða fyrir kvöldfréttir. Þetta var sögulegt því að í himnaríki er reynt að vaka sem mest og lengst. Líklega eru gömlu óþekktargenin úr æsku enn allt of virk ...

Í dag er orkan mikil, tala nú ekki um eftir góðan tíma hjá Betu og grænmetissúpu í Skrúðgarðinum ... sem ég gleymdi reyndar að borga fyrir. Vona að ég verði ekki sett í straff. Tommi kom inn á kaffihúsið, vældi og veinaði yfir því að ekki væri kjötsúpa á boðstólum á meðan ég gladdist yfir bragðgóðu, hlýjandi „ekkikjötsúpunni“. Svo kemur bara í ljós hvort María elskar meira, Tomma eða mig ... á þriðjudögum.

Athugasemdir

[krossgata, 2.10.2007 kl. 14:13]

Reglulega þarf ég að safna upp orku fyrir óþekktargenin svo þau geti verið virk svo dögum skiptir.  Þá sef ég svona úr hófi fram mikið, gerist svona 1x í mánuði.  Kjötsúpa er líka mínum óþekktargenum mjög hjartfólgin og virknihvetjandi. 

[Jenný Anna Baldursdóttir, 2.10.2007 kl. 15:03]

Í gær hefði ég ekki skilið að einhver eldri en 10 ára færi að sofa fyrir kvöldfréttir.  Í dag er ég hinsvegar svo lasin og aum að ég gæti farið í rúmið núna. Hm.. hvort ykkar elskar María meir, ég gef mér að hún sé hallari undir þig vegna landsfrægrar, sjarmerandi persónu þinnar mín kæra.  Smjúts frá mér.

[Ragnheiður , 2.10.2007 kl. 15:31]

Ég var líka steinhætt að skilja nokkuð í þessu. Gott að þú náðir að hvíla þig. Ég verð að vísu oftast mun þreyttari ef ég sef of mikið...

Knús á þig

[Kristín Katla Árnadóttir, 2.10.2007 kl. 16:13]

Það var gott að þú gast hvílt  þig Þyrnirós mín. Knús til þín