Jól í Hálsaskógi

Fyrstu ummerkin um afdrif höfuðborgarinnar vegna veðurhamsins í nótt komu í ljós skömmu áður en Heimir ók inn í Mosfellsbæ. Strætóskýli lá á hvolfi og hafði greinilega fokið um koll. Síðan fórum við að mæta flóttafólki sem stefndi í áttina frá borginni í stórum hópum ... fótgangandi. Fólkið horfði starandi fram fyrir sig, greinilega hungrað og þreytt, jafnvel sturlað, í augnaráðinu mátti þó greina staðfastan vilja. Áfangastaður: Akranes. Sigþóra vildi reyndar meina að þetta hefði ekki verið flóttamenn, heldur vindbarin tré.

----------         ------------        -----------         ----------         -----------

Um kl. 7.32 var farið að birta aðeins og þá blasti viðurstyggð eyðileggingarinnar við. Undir N1-skilti við eitt hringtorgið í Mosfellsbæ, skammt hjá KFC-kjúklingakeðjunni, lá fokin spýta. Við farþegarnir horfðumst í augu og gripum fast um föggur okkar, sérstaklega peningaveskin. Allir vita að eðli mannskepnunnar getur skyndilega orðið dýrslegt við náttúruhamfarir og þá er ég ekki bara að tala um kynlíf.

Við Sigþóra læddumst varlega út úr strætisvagninum og sáum að Hálsaskógur var óskemmdur að mestu. Sigþóra benti mér á þá áhugaverðu staðreynd að Hálsaskógur væri sjálfbært samfélag, það væri hægt að halda góð jól þar ef veður gerðust vályndari. Nóa Síríus er neðst í næstum samnefndri Súkkulaðibrekkunni og þar er Nóa-konfektið ræktað. Hollt og gott er þarna ofar og þar vex salat. Nú, malt og appelsín er þarna ofar í skóginum og einhvers staðar leynist kjötverksmiðja líka, hangikjöt jafnvel. Borðbúnaður fæst síðan hjá Sigþóru í Rektrarvörum, meira að segja servíettur svo hægt verði að halda siðmenntuð jól. Er hætt að pirra mig á veðrinu ... en kvíði reyndar því að reyna að komast heim í storminum á morgun!

Athugasemdir

[Katrín Ósk Adamsdóttir, 13.12.2007 kl. 09:50]

Þú ert frábær

[siggi (IP-tala skráð) 13.12.2007 kl. 10:49]

sæl Gurrí, gott til þess að vita allt er í lagi hjá þér, og þakið sé ennþá á húsinu hjá þér. Fór heldur illa fyrir strætóskýlinu sem ég bíðí liggur á bakinu, hefði nú ekki verið gott að vera í því akkúrat þegar það féll, en ætli það hefði nokkuð fallið hefði ég verið þar, þyngd mín hefði séð til þess.

siggi

[Steingerður Steinarsdóttir, 13.12.2007 kl. 13:55]

Mér heufr alltaf fundist konfektrækt svo uppbyggileg. Ætla að bregða mér í Nóa Síríus og kaupa nokkur fræ.

[Magnús Geir Guðmundsson, 13.12.2007 kl. 16:16]

Ekki að spyrja að dramatíkinni fröken Guðríður!

"Strætóskýlið sem fauk" Hljómar svei mér jafn spennandi og "Maðurinn sem kom inn úr kuldanum"!

Hefur greinilega eignast nýjan og ákfafan aðdáanda í honum Sigga, seiseisei!

[Einar Örn Guðmundsson, 13.12.2007 kl. 17:24]

Frábær lesning. Takk fyrir að koma mér til að hlæja og lengja þar með líf mitt :)

[Guðný Anna Arnþórsdóttir, 13.12.2007 kl. 21:24]

Já, kannski maður geri konfektrækt að aukabúgrein, ætl´að herm´eftir Steingerði og kaupa nokkur fræ.

[Oddný (IP-tala skráð) 14.12.2007 kl. 11:00]

Þú gleymdir meðlætinu með hangiketinu sem fæst í Garra, beint á móti rekstrarvörum

[Heiða B. Heiðars, 14.12.2007 kl. 11:18]

Hahahhaa...þú ert milljón!