Skuldbindingafælni vs giftingasýki

16.1.2008 | 17:05

Skuldbindingafælni vs giftingasýki

Þegar Ásta sótti mig í Hálsaskóginn í dag hafði ég beðið í fimm mínútur fyrir neðan húsið og leit út eins og glæsileg snjókerling. Raulaði bara jólasálma í þessari guðdómlegu hundslappadrífu í höfuðborginni. Það var frekar blint á köflum á heimleiðinni þótt vindstigin væru ekki nema fimm í Kollafirðinum (sjá mynd til vinstri). Hér á Skaga var heldur annað veður en í Reykjavík, eða sól og sumar að vanda (sjá myndina til hægri).

----------- ooo 000 - O - 000ooo ------------

Í matartímanum hittist svo á að við, nokkrar gellur á lausu, sátum við sama borð og spjölluðum. Ein talaði um að hún ætlaði að vera ein í herbergi á hótelinu þegar fyrirtækið heldur til Svíþjóðar í árshátíðarferð í mars. Þá á hún auðveldara með að næla sér í sætan Svía, bætti hún glottandi við. „Ó, ertu á lausu?“ Síðast þegar við vissum átti hún kærasta. „Já, þetta var orðið svo þrúgandi, ég var að kafna!“ sagði hún og dæsti. Þarna komumst við að því að við erum haldnar skuldbindingafælni, alveg öfugt við kynsystur okkar sem eiga allar að vera giftingarsjúkar ... samkvæmt bæði bröndurum og staðalímyndum. Aumingja ungi karlkynsblaðamaðurinn sem sat á næsta borði og þóttist ekki heyra neitt, ég sá hann samt roðna af spenningi. „Nú er hann örugglega orðinn sjúkur í okkur, þetta virkar víst þannig,“ sagði ein lágt. Við flýttum okkur fram og rétt sluppum við að eignast kærasta.

Meginflokkur: Bloggar | Aukaflokkar: Lífstíll, Stjórnmál og samfélag, Vinir og fjölskylda | Facebook

Athugasemdir

What? Er staffið að fara til Sverge. Verð að komast á árshátíð.

Er kannski hægt að fá vinnu hjá Kvennablaðinu Vikunni, moske við að gæta stóla, tóla og tækja á kvöldin. Nú eða að bera út eitthvað, blöð, fólk, orðróm, what ewer?

Þröstur Unnar, 16.1.2008 kl. 18:29

Fjúff heppnar þarna

Bryndís R (IP-tala skráð) 16.1.2008 kl. 18:33

Mikið gasalega eru stjúpurnar fallegar á Skaganum núna þarf ekki að fara að slá.Hér vestast í vesturbænum eru bara frostrósir.

Heppnar að losna við að eignast kærasta. Vil ekki nota orðið piparkerlingar, frekar kryddpíur, vegna þess að nú eru komin svo mörg krydd á markaðinn.

Kveðja frá kryddstrák í vesturbænum.

Ein spurning, er Georg Bjarnfreðarson farinn að vinna þarna???.........Heia Sverige

Einar Örn Einarsson, 16.1.2008 kl. 18:44

Já það er nú aldeilis munur að búa á skaganum er barasta sólbrend eftir daginn skál í hitanum

Brynja www.skordal.bloggar.is (IP-tala skráð) 16.1.2008 kl. 20:46

Ég var að dánlóda bíómynd á internetinu og er nokkuð fríoðari eftir. Einn af lærdómunum eftir þessa mynd er að þið tjéllurnar getið verið 2 og 2 saman í herbergi og samt verið "getting it on" á fullu....

....reyndar líka 3 og 4 saman. Seggðu svo að það sé ekki fræðandi að flandra um netið.

Breiðholtshatarinn (IP-tala skráð) 16.1.2008 kl. 21:07