Við Súpermann ...

Af alkunnri snilld nældi ég mér í pest í gær. Vakti fram eftir nóttu í faðmlögum við ákveðinn hlut (ég er ekki að tala um Jónas) og var síðan algjörlega óvinnufær í morgun, eiginlega alveg til hádegis. Arg og garg, við megum ekki við miklu í vinnunni, enda fleiri hrjáðir af flensum, kirtlatöku og þess háttar. Er þó sest við tölvuna, búin að ljúka einni grein og sú seinni langt komin.

Í þessum fimbulkulda úti hefur himnaríki sannað sig sem hlýjan og notalegan stað. Enn á að herða frost og hlakka ég ekki tryllingslega til morgundagsins ... Er mun sáttari við rok og rigningu en svona mikinn kulda, það gæti vissulega breyst ef fjárfest væri í kuldagalla. Ég er búin að uppgötva að mér þykir óviðurkvæmilega vænt um gammósíurnar sem ég keypti í Ellingsen-útibúinu á Skaganum á dögunum, þær urðu mér fljótlega álíka hjartkærar og búningurinn er Súpermann. Mér þykir vissulega vænt um kettina, Jónas og erfðaprinsinn en það toppar ekkert gammósíurnar þessa dagana.

Athugasemdir

[Guðrún Jóhannesdóttir, 31.1.2008 kl. 15:09]

góðar gammosíur slá náttúrulega kettina og erfðaprins út svona tilfinningalega séð, en JÓNAS?

svo bregðast krosstré sem önnur tré

[Brynja www.skordal.bloggar.is (IP-tala skráð) 31.1.2008 kl. 15:40]

Já brrr ansi kalt núna ligg sjálf í flensuskít og tilheyrandi enda ber heimilið þess merki= allt í drasli en gott að knúsa sængina bara hinir fá knús og tiltekt seinna! láttu þér batna og hafðu góðan dag

[Hildigunnur Rúnarsdóttir, 31.1.2008 kl. 16:52]

oj, já, magapestin sem er að ganga er þvílíkur VIÐBJÓÐUR! Láttu mig vita það...

[Guðrún Vala Elísdóttir, 31.1.2008 kl. 16:54]

Við heimtum rigningu! Við heimtum rigningu!!!

[Ásdís Sigurðardóttir, 31.1.2008 kl. 19:51]

Það er nú bara ekkert til að skammast sín fyrir að þurfa að faðma gustavsberginn af og til, kemur fyrir besta fólk.  Hafðu það got In Heaven og láttu þér batna. 

[Jenný Anna Baldursdóttir, 31.1.2008 kl. 20:42]

Ég er að drepast úr kulda líka.  Brrrrrrrrrrrrrrrrrrrrrrrrrrrrrrrr

[Magnús Geir Guðmundsson, 31.1.2008 kl. 21:05]

Óttalegt væl er þetta, hér er allt á leið í kaf og kuldin nægur, en engin kvartar!

En vil leiðrétta, það TOPPAR ENGIN GUÐRÍÐI Í GAMMÓSÍUM!

[Steingrímur Helgason, 31.1.2008 kl. 22:06]

Eymingja skagastjarnan á blogghimninum, lögst fyrir framan postulínið.

Samúðast með þá óunnu óviljandi faðmfíkn en hugga með að slíkt lagast með tímanum án þess að vottfestur missérgóður meðferðaraðili þurfi að koma til.

Að óreyndu ætla ég að Guðríður gammósíulaus, toppi sömu í gammósíum, en líklega veit Magnús Geir Veit Meir, meira um þetta en ég þarf að vita um.

[Jóna Á. Gísladóttir, 31.1.2008 kl. 22:31]

Síðan hvenær telst Jónas hlutur

ástandið núna er að rifja upp fyrir mér kuldakastið í lok síðasta vetrar. Ég hata frost

[Heiða B. Heiðars, 31.1.2008 kl. 23:25]

Gammosíurnar gera nú ekki mikið gagn gegn gubbupest....nema það sé gólfkalt hjá þér:)

[Jens Guð, 31.1.2008 kl. 23:42]

  Gubbupest er eitthvað það hressilegasta sem maður lendir í.  Ég sakna þess að hafa ekki fengið almennilega gubbupest í áratugi.  Þó hefur komið fyrir að vænn bjórskammtur hafi gutlað og þá sé ég smávegis eftir honum í klósettið.  En ég á alltaf meira til af honum í ísskápnum þannig að vandamálið er lítilvægt.

[Laufey B Waage, 1.2.2008 kl. 10:00]

Algjörlega sammála. Rok og rigning eru í fínu lagi, ef það er sæmilega hlýtt. En ég þoli ekki frost. Ekki heldur ca.frostmark+vindkælingu (sem er nokkurn vegin sama tóbakið). En ég mæli með kraftgalla. Þegar strákurinn minn var 13 ára, komust þeir í tísku hjá unglingunum - og ég var ekki sein á mér að fjárfesta í einum slíkum handa drengnum. En mér hugkvæmdist ekki að kaupa annan handa sjálfri mér. Það var ekki fyrr en þremur árum seinna, að fimbulfrost var á  Þorláksmessu, og ég fékk gallann lánaðan hjá syninum, til að komast í friðargönguna. Þá uppgötvaði ég hvílík eðalgersemi þessir gallar eru - og keypti mér einn slíkann. Og mér þykir ennþá vænna um hann, en pelsinn og sængina mína.

[Katrín Snæhólm Baldursdóttir, 1.2.2008 kl. 10:16]

Við erum öll hér búin að fara gubbuhringinn..tókum hann á nokkrum dögum en síðan þá hefur húsmóðirin fengið tvær flensur og situr í einni í þessum töluðu orðum..jæks!!! Og ég á ekki Jónas til að þrífa gólfin og engar gammósíur til að hlýja mér.. En frostið er sprennandi og ég hlakka til fimbulkulda um helgina...vona að þér batni frú Guðríður og svo þegar við erum báðar hressar fáum við okkur heitan kaffisopa og kjaftatörn...ha??