Bilaður, klikkaður dagur ... bara gaman

Klikkað að gera í dag, enginn tími í blogg í morgun. Elsku erfðaprins mun sækja móður sína síðdegis í vinnuna þannig að hún er tiltölulega óstressuð ...

Næstum búin að missa af strætó í morgun en Heimir passar upp á farþegana sína og uppskar bros og blað í staðinn. Fór á fund í morgun og þar var ákveðið að mín fer í flugferð austur á Egilsstaði á morgun og til baka sunnudaginn. Gisti á guðdómlegu hóteli ... Þetta verður æsispennandi helgi. Tengist ekki ástamálum, svo það sé nú á hreinu.

Núna helgina 21. - 24. febrúar ætlar landsbyggðin aldeilis að láta að sér kveða í food&fun sem hefur verið svo vinsæl uppákoma í Reykjavík. Ellefu hótel um allt land bjóða upp á "FÓÐUR OG FJÖR" kántrí-fúdd-and-fönn ... nánar um það síðar.

Jæja, fimm mínútna pásan búin.

Athugasemdir

[Ásdís Sigurðardóttir, 1.2.2008 kl. 13:53]

Frábært, þó svo að þetta tengist ekki ástarmálum þá veit maður aldrei hvað gerist í febrúar austur á landi.  Skemmtu þér alveg í drep. 

[jensen (IP-tala skráð) 1.2.2008 kl. 14:07]

Heyrði það í fréttum áðan að Egilstaðarbúar ætli að hafa ástarviku líkt og Bolvíkingar gera,aha mín að fara að skipuleggja á Egilstöðum.

[Katrín Snæhólm Baldursdóttir, 1.2.2008 kl. 14:56]

Var ekki Ellý Ármanns að spá þér einhverjum karli á fjöllum í fönn úti á landi.....eða er mig að misminna eitthvað??

Farðu bara varlega...enginn veit hvar hundur liggur grafinn þegar það snjóar svona skuggalega.

[Hulda (IP-tala skráð) 1.2.2008 kl. 15:04]

innlitskvitt

[Brynja www.skordal.bloggar.is (IP-tala skráð) 1.2.2008 kl. 15:14]

En gaman góða ferð og skemmtu þér vel og njóttu þess að vera á Hóteli og láta stjana við þig Hlakka svo til að heyra hvernig ferðalagið og allt var

[Anna Ólafsdóttir (anno) (IP-tala skráð) 1.2.2008 kl. 20:51]

Egilsstaðir, helgi, ekki ástar...neitt? áttu annan?

[Guðrún Jóhannesdóttir, 1.2.2008 kl. 22:05]

[Tiger, 1.2.2008 kl. 22:33]

Góða ferð og skemmtun á Egilstöðum um helgina - megi ástarguðinn Amor láta örvar sínar sitja kyrrar í hólki sínum á meðan þú ert þarna í rómantíkinni svo þú komir ei spjölluð mey til baka ...

Austurland er heitt, hvort sem er að sumri eða vetri. Margt gott sem gerist í faðmi austfirðinga get ég sagt þér ljósið mitt.

[Anna Ólafsdóttir Björnsson, 1.2.2008 kl. 22:42]

Fóður og fjör, og Egilsstaðir rokka sko, hef verið þar ánægjulega veðurteppt, sem ekki er hægt að segja um hvaða stað sem er.