Sól, árekstur, myndarskapur og leyndarmál ...

15.3.2008 | 14:22

Sól, árekstur, myndarskapur og leyndarmál ...

Ef Siggi stormur segir að vorið sé komið þá samþykki ég það með öllu greiddu atkvæði. Ef ekki væri snjór í brekkunni við hlið íþróttavallarins myndi ég halda að vorið væri yfirstaðið og sumarið þegar hafið, slíku stuði er sólin í. Erfðaprinsinn er að þvo bílinn sinn og himnaríkisfrúin á leið í vorlegt, grænt bað sem kólnar í þessum skrifuðum orðum. Fór meira að segja á baðsloppnum út á stóru svalir áðan og það er það næsta sem ég hef komist kynlífi um langa hríð. Þeir eru enn að ná í sundur bílunum á planinu fyrir neðan ... sem minnir mig á að við erfðaprins urðum næstum vitni að árekstri í gær á Kirkjubrautinni, munaði bara 15 sekúndum. Segið svo að maður lifi ekki æsilegu lífi. Við ókum frekar hægt og bíllinn sem var fyrir framan okkur hjá Skrúðgarðinum var orðinn nokkuð skemmdur þegar við náðum honum á móts við gamla Arnardal (þar áður elliheimili) eftir samstuð við annan kagga.

Er búin með bókina góðu, Ekki sjón að sjá, og fannst ótrúlega gaman þegar lausnin laumaðist nær með hverri blaðsíðunni. Hitti kunningjakonu í bókabúðinni í gær og ráðlagði henni eindregið að kaupa hana sem hún gerði. Las hana á milli sjónvarpsþátta í gærkvöldi og líka eftir að Mía systir vakti mig fyrir allar aldir klukkan hálfellefu í morgun. Var greinilega útsofin fyrst ég gat ekki sofnað aftur. Engin beiskja ríkjandi. Eftir bókarklárunina var hægt að gera eitthvað að gagni og nú hamast þvottavélin. Sjáum til hvort einhver orka er eftir til að setja Jónas í gang.

P.s. Fer á Hótel Glym seinnipartinn og gisti eina nótt. Hef ekki enn sagt erfðaprinsinum hver býður mér og nú skelfur hann af svokölluðum stjúpföðurhrolli, kastar upp, fær kölduflög og veltist um á gólfinu í verstu köstunum. Mun halda þessu leyndu um hríð til að allir haldi að ég eigi mér ríkan elskhuga (eða eitthvert líf) en gruni alls ekki að vinkona mín hafi boðið mér.

Flokkur: Bloggar | Facebook

Athugasemdir

Góða skemmtun á Glym. Ég hélt eitt augnablik að þú værir kominn á heví séns OMG!! Ekki að það sé slæmt svo sem, vill bara hafa þig þarna í Himnaríki frjálsa og lausa eins og venjulega. Segðu erfðaprinsi að hafa gætur á þér, frá mér. Muhahhahhaha

Annars er ég í enn einu hláturskastinu. Það ætti að banna þig vúman.

Jenný Anna Baldursdóttir, 15.3.2008 kl. 14:26

Elsku frænka

ekki vera svona vond við erfðarprinsinn láta hann kveljast svona.

en góða skemmtun á Glym tanta

tanta svana (IP-tala skráð) 15.3.2008 kl. 14:51

aumingja erfðaprinsinn sem vill allt fyrir móðir sína gjöra, að hann skuli vera l´´atinn engjast svona af þessum hrolli, er ekki nóg með Jónasarstríðið held að það þurfi bara að ættleiða strákangann (þar fauk bloggvináttan)

Góða skemmtun á Glym himnaríkisfrú Guðríður

Guðrún Jóhannesdóttir, 15.3.2008 kl. 15:58

hehe

Hulda (IP-tala skráð) 15.3.2008 kl. 19:10

Þar sem ég valdi þriðja eiginmann móður minnar sjálf (endaði í rúmlega 40 ára góðu hjónabandi), þá mæli ég eindregið með því að börn velji maka mæðra sinna ef þær hafa reynslu af mistökum í þeim efnum.

Anna Ólafsdóttir Björnsson, 15.3.2008 kl. 21:13