Hulið hár í hörkugaddi

Sami lúxusstrætóinn var á ferðinni í morgun nema bílstjórinn (29) var gamall og góður í starfi, alveg síðan í árdaga Skagastrætó. Hann er kunningi erfðaprinsins en samt ágætur. Ég hoppaði út við Vesturlandsveginn í miklum vetrarhörkum og var komin upp í vinnu fimm mínútum áður en strætó númer 18, sá sem ég tek oft í vinnuna, átti að vera í Ártúni, afar kalt en tímasparandi. Í rauninni var þriggja trefla veður en ég var bara með tvo, túrkíslitan venjulegan og fjólublátt sjal. Sjalið fór yfir höfuðið til að eyrun dyttu ekki af mér á leiðinni upp Súkkulaðibrekkuna. Hræddust var ég við að æstir karlar, þessir sem vilja banna blæjur og leyfa nektardans, myndu arga á mig fyrir að hylja hárið en sjúkk, ég slapp. Ég er samt alls ekki að segja að það felist kúgun í því að þurfa alltaf að vera sexí - við Vesturlandakonur nefnilega ráðum því hvernig sexí við erum.

Jæja, það verður brjálað að gera í dag, ef ég þekki föstudaga rétt. Fleygði fötum ofan í poka í morgun og lít svo á að ef ég verð hoj og slank í sjónvarpinu í kvöld hef ég tekið rétta átfittið, annars verð ég bara að reyna að vera gáfuð.

Athugasemdir

[Birna Dis Vilbertsdóttir (IP-tala skráð) 28.3.2008 kl. 09:57]

 Ef þú verður ekki átt við outfittið þegar á hólminn (sjónvarpsupptökusalinn)geturu alltaf sveipað um þig slæðum og verið dulúðug kona.Gangi þér vel í kvöld

[Rannveig Lena Gísladóttir, 28.3.2008 kl. 09:58]

Góða skemmtun í kvöld... ég ætla að fylgjast með!

[Laufey B Waage, 28.3.2008 kl. 10:01]

"kunningi erfðaprinsins, en samt ágætur"!! Hvernig er kunningjahópurinn hans svona yfirhöfuð? Mikið rosalega sem ég er annars farin að hlakka til að geta gengið í sexí-átfitti utandyra. En af því að ég reyni að taka bara einn dag í einu, þá læt ég duga að hlakka til að horfa á þig í sjónvarpinu mínu í kvöld. - Háa og slanka, eða bara gáfaða og skemmtilega.

[Jenný Anna Baldursdóttir, 28.3.2008 kl. 10:12]

"Þrátt" fyrir að vera kunningi erfðaprinsins.  Arg þú drepur mig.

Knús og baráttukveðjur.  Mun spenna augun í þessa hoj, slank og bráðgáfuðu.

Heja Skaginn.

[Jenný Anna Baldursdóttir, 28.3.2008 kl. 10:13]

Nú það stóð ekki þrátt fyrir.  Ok,ok, en þú drepur mig samt.

[Sigga (IP-tala skráð) 28.3.2008 kl. 10:19]

Gangi ykkur vel í kvöld.......áfram skagamenn!!!!!

Kv. 

[Þóra Guðmundsdóttir, 28.3.2008 kl. 12:53]

Vonandi brá þér ekki of mikið þegar ég þakkaði þér fyrir bloggið þitt í gær Takk aftur.

[Guðrún Jóhannesdóttir, 28.3.2008 kl. 14:02]

Áfram skagamenn

ætla ekki að missa af þættinum í kvöld

[Helga Magnúsdóttir, 28.3.2008 kl. 15:15]

Verður þú bara ekki höj og åleslank, vel gefin, glæsileg og alvitur eins og þú ert vön? Ég ætla að horfa á þig í kvöld, hef misst af þér fram að þessu.

[Brynja skordal, 28.3.2008 kl. 17:25]

Haf fulla trú á ykkur áframm skagafólk

[Katrín Ósk Adamsdóttir, 28.3.2008 kl. 19:21]

Mér hlakkar svo til að horfa á ykkur skagamennina  Hoj og slank.....alveg pottþétt  Áfram Akranes.............. Gangi ykkur sem best Gurrý mín

[Þröstur Unnar, 28.3.2008 kl. 21:27]

Dagurinn er ónýtur.

[Lára Hanna Einarsdóttir, 28.3.2008 kl. 21:32]

Það var hetjulega barist fyrir heiðursborgaratitlinum!  Gengur bara betur næst! 

[Laufey B Waage, 28.3.2008 kl. 21:33]

Þú varst samt bráðgáfuð og skemmtileg. Og auðvitað höj og slank. Takk fyrir skemmtunina.

[Guðný Anna Arnþórsdóttir, 28.3.2008 kl. 21:59]

Höj og slank og bráðgáfuð með - bojoboj - húmor. Þú varst sko langflottust, ekki spurning, hvernig sem á það er litið. Ég var í Skagaliðinu, hafirðu sko eitthvað efast um það.

[www.zordis.com, 28.3.2008 kl. 22:06]

Hrikalegt að missa af þér!  Ég nýt þess hérna megin hafsins og brosi út í bæði og held lífi!

[Ólöf Anna , 28.3.2008 kl. 22:11]

Ættla ekki að segja orð fyrr en ég er búinn að horfa á þáttinn.

[Helga Magnúsdóttir, 28.3.2008 kl. 22:56]

Fylgdist spennt með, kannski hefði ég átt að sleppa því þar sem þetta er í fyrsta sinn sem þið tapið. Ætli ég sé ekki bara óheillakráka. Ég vissi þetta um karlakórinn af því að ég var nýbúin að lesa bloggið hennar Ásthildar. Maður fræðist um ýmislegt á blogginu.

[Sesselja Fjóla Þorsteinsdóttir, 28.3.2008 kl. 23:22]

Frábæri penni, gefðu út bók um menn og málefni.