Byltingin vs Húsdýragarðurinn

Efast um að það finnist samviskusamari starfskrafur en ég ... hálsbólgan lét ekki á sér kræla fyrr en búið var að lesa síðupróförk af næsta blaði og vinnudeginum lokið. Frétti að tveir strætisvagnar hefðu lent í samstuði á Hlemmi vegna hálkunnar og við það hafi tímaáætlun þeirra riðlast. Við í Skagastrætó bjuggumst ekki við að komast fyrr en í fyrsta lagi frá Mosó um sexleytið, eða korteri of seint. Svo fór nú ekki og Sigþóra og fleiri farþegar komu á hárréttum tíma.Ég fékk far með einkabíl, hefði boðið Sigþóru með (hún vinnur í næsta húsi) ef ég hefði ekki haldið að hún færi með 16.45 ferðinni.

Rás 2 var eitthvað óþæg á leiðinni og Skúli stillti af sexfréttunum yfir á Bylgjuna. Í göngunum og alla leið á Skagann var spurningakeppni í gangi og hlustendur voru rosalega vitlausir miðað við okkur Skúla. Mér skjátlaðist bara einu sinni, ruglaði saman Hollandi og Austurríki en hver gerir það ekki? Glerhálka er í Reykjavík og viti menn, líka hér á Skaganum.

Nú er bara að borða hvítlauk, drekka sólhattsuppleysanlega C-vítamínpillu í vatni og fara snemma að sofa. Þá kemst ég vonandi í bæinn fyrir kl. 16 á morgun og í útskriftarhóf elsku frænku minnar.

Það þarf ekkert að efla löggæsluna vegna yfirvofandi byltingar á Íslandi kl. 16 á morgun. Borgarstjórn kom með snilldarbragð til að fækka okkur öreigunum á Austurvelli ... á morgun verður nefnilega margt við að vera, t.d. ókeypis í Húsdýragarðinn og skemmtilegar uppákomur víðs vegar um borgina. Þetta er engin venjuleg bardagalist, bara snilld sem sparar bæði gas og mannskap.

Jæja, farin að sofa úr mér veikindin. Útsvar búið og ég plata bara erfðaprinsinn til að fylgjast með Taggart fyrir mig seinna í kvöld. Vona að ykkur dreymi vel í nótt.

Athugasemdir

[Jenný Anna Baldursdóttir, 24.10.2008 kl. 22:55]

[Brynja skordal, 25.10.2008 kl. 00:47]

vonandi blæstu þetta frá þér í nótt og vaknar hress í fyrramálið góða nótt og hafðu ljúfa helgi Elskuleg

[Svala Erlendsdóttir, 25.10.2008 kl. 10:45]

Bara hrúga í sig vítamínum og sofa mikið mikið. Þá kemur heilsan aftur

[Sigríður Ágústa Þórólfsdóttir, 25.10.2008 kl. 11:06]

Vonandi batnar þér fljótt,gott að drekka mikið sítrónu te með hunangi,eigðu góða helgi

[Linda Linnet Hilmarsdóttir, 25.10.2008 kl. 14:08]

[siggi (IP-tala skráð) 25.10.2008 kl. 17:23]

láttu þér batna, kúra undir sæng, c-vit. og drekka nóg af heitu vatni með góðu hunangi og sítrónu

kv siggi

[Þröstur Unnar, 25.10.2008 kl. 18:05]

*Röfl.

Út að labba me´ðig.

[Hólmdís Hjartardóttir, 25.10.2008 kl. 18:56]

átti ekki kakó og stroh?

En er sammála þér með byltingu versus húsdýragarð

[Hildigunnur Rúnarsdóttir, 25.10.2008 kl. 19:15]

heh, já var það?  Ekki létum við blekkja okkur, snilldarganga og -staða við Ráðherrabústað, talsvert fleiri en um daginn (þó er ég alltaf að bíða eftir 50.000 manna mætingunni).

[Æsir (IP-tala skráð) 25.10.2008 kl. 19:39]

Ég mættti og mæti Aftur

Kveðja

[Magnús Geir Guðmundsson, 25.10.2008 kl. 20:24]

Jamm, ekki fjarri lagi þessi kenning. En..

..skemmtilegar uppákomur?

Skildi vera hægt að bjóða "leiðinlegar uppáferðir"!?

[Guðný Anna Arnþórsdóttir, 25.10.2008 kl. 21:05]

Góðan bata og gleðilega bókahelgi.

[Ásdis (IP-tala skráð) 26.10.2008 kl. 10:54]

Mikið er ég sammála þér Anna K. Garðbæingar svöruðu ekki rétt og hana nú.

Ég mætti svosem líka í gönguna og varð fyrir vonbrigðum. Æstir og illa máli farnir ræðumenn fullnægðu mér sko ekki og þótt að drifi fólk fram á síðustu mínútu er ég hrædd um að það láti ekki plata sig á staðinn næst nema boðið verði upp á almennilegar ræður. Best fannst mér til takast þegar Dóra Ísleifsdóttir kallaði fram í ræðu Jóns Baldvins: Hvað vilt þú? Ertu ekki gerandi í þessu máli?