Óhugnanlegt vald Jack Bauers yfir himnaríkisfrúnni

Ekki brást Bauerinn okkur aðdáendum sínum. Sama formúlan ... en hún virkar og  algjör óþarfi að breyta henni. Mikið hlakka ég til að eyða næstu 23 sunnudagskvöldum í þetta.

Þoli samt ekkert sem bindur mig (þess vegna er ég ógift og á ekki líkamsræktarkort og er ekki í saumaklúbbi). Þættinum 24 tekst það sem fallegum mönnum, hollum tækjum og guðdómlegum brauðtertum tekst ekki. 

Þetta hefur verið meiri dýrðarhelgin, þrátt fyrir húsverk. En ef maður lítur á þau sem líkamsrækt þá verða þau léttbærari. Ég styrkist ekki á því að horfa endalaust á íþróttahúsið hérna við hliðina.

Ætla að drífa mig upp í rúm með Dean Koontz, jú, honum. Samt bíða nokkrar magnaðar bækur á náttborðinu en maður þarf líka að detta í reyfara annað slagið, bara til að halda jarðsambandi. Sure, með Dean Koontz.   

Athugasemdir

[SigrúnSveitó, 21.1.2007 kl. 22:35]

Bauerinn er flottur hann hefur haldið mér fastri fyrir framann skerminn í nokkrum sinnum 24 skipti...og er ég þó ekki mikið fyrir sjónvarpsgláp!!

[Guðríður Hrefna Haraldsdóttir, 21.1.2007 kl. 22:45]

Sá fyrstu seríuna í endursýningu á Sýn, minnir mig ... þá var hún sýnd í heilan dag ... og ég tók herlegheitin upp á vídeó. Það var mjög gaman að geta skellt spólunni í og þurfa ekkert að hætta í lok hvers þáttar!

[www.zordis.com, 21.1.2007 kl. 23:23]

Núna langar mig í brauðtertu og þær eru íllfáanlegar á Spánlandinu!   "vatn í munni er það sem ég hef núna" og fæ mér bara herbalæf í fyrramálið!  En, ég er með þessa grönnu grönnu tilfinningu!  "NOT"

[Ólafur fannberg, 22.1.2007 kl. 09:04]

Bauerinn er alltaf góður.....