Borg óttans og ofbeldislaus keppni ... enn

Eitthvað voru Keflvíkingar í klíkunni þegar sólin bjó sig undir að setjast um miðjan dag í gær. Eiginlega var ómögulegt að hætta að horfa ...  

Brosmildi bílstjórinn skilaði okkur heilu og höldnu í Ártún í morgun, mér og Sigþóru ögn áður við vegkantinn að vanda. Ég sagði honum að hann mætti alveg setja mig út á ferð ef hann vildi. Hann gæti varla viljað að hjólkoppunum yrði stolið ... við værum jú komin í borg óttans! (Þarna stal ég miskunnarlaust brandara sem Halldór frændi spældi mömmu með þegar hann skutlaði henni upp í Breiðholt um árið, hún hefur aldrei fyrirgefið honum almennilega það að dissa Breiðholt)  

Og jessss, ég var mætt fyrst í vinnuna! Hef verið í keppni við prófarkalesarana síðustu vikurnar og stundum haft betur. Ekkert ofbeldi hefur fylgt þessu en falskt bros þess sem tapar blekkir engan. Vonandi verða þær nógu spældar á eftir til að sofa yfir sig á morgun.

Athugasemdir

[Ólafur fannberg, 22.1.2007 kl. 08:27]

kvitt fyrir komu

[www.zordis.com, 22.1.2007 kl. 09:44]

Bara eins og Harlem bráðfyndin lína hehehe!   Oooog, frábært að þú skyldir leggja í að stökkva út á ferð.  Hefðir þú stokkið ef hann hefði svarað með sama húmor? 

Mætukeppni er meiriháttar, best að koma því áleiðis til starfsfélaga minna og leggja eitthvað undir!

[kikka (IP-tala skráð) 22.1.2007 kl. 09:48]

Þú ert dásamleg-eins og sólin Komin með mikinn áhuga á strætóbílstjórum, Akranesi, baðbombum og köttum. Haltu áfram.

[Guðríður Hrefna Haraldsdóttir, 22.1.2007 kl. 10:01]

Þú hefur sem sagt fattað áð ég elska Keflvíkinga ... Takk elskan. Vona að þú komist í afmælið mitt núna (12. ág.)