Æsispennandi húsfélagsfundur

Húsfundurinn gekk frábærlega. Húsfélagsformaðurinn bauð upp á ofnrétt, rækjusalat með sósu og ýmsa drykki. Við samþykktum líka allt sem hann fór fram á! Svona eiga húsfundir að vera. 

Eini gallinn var að aðrir í húsinu áttuðu sig á sambandi formannsins við gjaldkerann annars vegar og mig hins vegar og það var mikið flissað. Steingerður vill ólm að ég nái í formanninn, enda er hann kokkur en ef ég þarf að berjast við gjaldkerann gæti það endað illa, húsgjöldin mín myndu hækka óhugnanlega mikið og ég yrði gerð ábyrg fyrir stóra svalaláninu ... ein!  

Við prófuðum nýkomnu svalir formannsins og vá, þær eru sko stórar. Ég get verið með hengirúm á mínum svölum þegar þær koma, stórt grill, sófasett, kartöflugarð, þyrlupall og hvaðeina. Sumarið verður ansi spennandi.  

 

Athugasemdir

[Katrín Snæhólm Baldursdóttir, 24.1.2007 kl. 09:59]

Jey.....það þýðir að ég get bara komið fljúgandi á gullþyrlunni minni og lent á þínu fínu svölum í sumar, svo grillum við og borðum gómsætt kartöflusalat í sófasettinu og hendum okkur svo í hengirúmin á eftir þegar við erum orðnar saddar og njótum sólsetursins. Svo fer ég bara aftur heim. Klikkað plan.

[Guðríður Hrefna Haraldsdóttir, 25.1.2007 kl. 10:33]

Klikkað plan, segi það með þér!!! Svo getur þú komið með mér á "húsfund" og fengið þér bjór og kynnst fólkinu í húsinu ... og brennivín og svona.