Náði markmiðum morgunsins!

Vaknaði frekar seint og fékk mér ekki einu sinni kaffi áður en ég rauk út í Skútu. Í dag er fimmtudagur sem táknar troðfullan strætó, ekki spyrja mig hvers vegna. Þá bíður maður ekki eftir strætó á stoppistöðinni sinni sem er aðeins nær heimilinu en Skútan því að það endar alltaf með vonbrigðum og vondu sæti við hliðina á herðabreiðum karlmanni. Því var ég mætt snemma til rútu í Skútu og enginn búinn að stela sætinu MÍNU!

Ásta virtist sæmilega glöð þegar hún sá að ég hafði tekið frá sætið hennar við hlið mér þegar hún kom móð og másandi á síðustu stundu. Ég m.a. hrinti roskna manninum aftur í þegar hann gerði sig líklegan til að horfa í áttina að sætinu hennar og ég horfði nístandi augum á þroskaþjálfarann sem flýtti sér að setjast aftast!

 Þegar Ásta settist vildi ég meira þakklæti fyrir þetta. Ég sagði henni að ég hefði mætt klukkan 6.15 bara til að ná sæti fyrir okkur. „Hnuss,“ sagði Ásta og trúði engu, enda vinnur hún á e-s konar 

þvagfæradeild á Landspítalanum en mér finnst að það skipti máli í þessu sambandi.  „Víst,“ sagði brosmildi bílstjórinn. „Hún var búin að setja í gang þegar ég mætti!“ Svona styðjum við nú hvert annað á Skaganum! Í blíðu sem stríðu, lygi sem pygi!

Við Ásta erum nú sætar á þessari mynd sem var tekin af okkur nývöknuðum í morgun.

Nú hefst klikkaður vinnudagur ... vonandi gengur mér vel ...

Athugasemdir

[Ólafur fannberg, 25.1.2007 kl. 08:33]

flott mynd og góðann daginn

[Guðríður Hrefna Haraldsdóttir, 25.1.2007 kl. 08:41]

Já, góðan dag, gæskan mín!

[Guðríður Hrefna Haraldsdóttir, 25.1.2007 kl. 11:17]

Hef aldrei kvartað!!! Það koma reyndar óvenjumargir í dag, eitthvað grunar mig að þú hafir sigað fólki á mig með því að gefa í skyn að við Hilda systir höfum ekið of hægt!!! Mér finnst það sami glæpurinn og að aka of hratt! Skammmm!

Hahahhahahaha

[www.zordis.com, 25.1.2007 kl. 12:07]

Gangi þér vel sæta!  Hvaða næturkrem notar þú????  Þó ekki eitthvað af þvagfæradeildinni.   Þið lítið svo ljómandi vel út í  morgunsárið!

[Katrín Snæhólm Baldursdóttir, 25.1.2007 kl. 13:30]

Ég sé alveg hvor er þú . En hvor er Ásta?

[Guðríður Hrefna Haraldsdóttir, 25.1.2007 kl. 13:41]

Heheheh, frú katrín. Ásta er við hliðina á mér á myndinni ...

Zordís, ég nota kúahland í hárið og júgursmyrsl í andlitið. Múahaha!

[www.zordis.com, 25.1.2007 kl. 18:48]

Góóóð, svo er talið súper dúper að bleyta upp í kattasandi (þú átt sennilega birgðir) blandar út í temmilega lítið af vatni þannig að gott er að bera á andlit og háls og þetta er vænsti og besti maski sem völ er á ...........  Prófaðu!!!  Ég þarf að fá mér beljur, get reddað mér með

[www.zordis.com, 25.1.2007 kl. 18:49]

*hóst* vaselínið ..........

[Guðríður Hrefna Haraldsdóttir, 25.1.2007 kl. 19:07]

Kattasandur er auðvitað ædíal-maski! Takk fyrir húsráðið ... hehehehehe