Hvar fást alvörufylgihlutir í baðið?

Er í smápásu frá nýrri bíómynd með Jason Statham til að afstressa mig og ná hjartslættinum niður. Hröð mynd með háværri tónlist, Pantera hvað! Jason er dauðvona eftir eiturbyrlun vondra manna og þarf að halda sér í stuði til að hrökkva ekki upp af. Hann hefði átt að kíkja á íslenskt þorrablót.

 
Hef verið að skoða myndir af baðherbergjum, mögulega leggst ég í breytingar á vordögum. Öll baðherbergi sem ég hef gúgglað eru eitthvað svo hvít og hversdagsleg. Fann ekki nema eitt girnilegt en veit ekki hvort hægt sé að kaupa allt í það í búðum. Hef reyndar ekki kíkt í nýju IKEA-búðina eftir að hún flutti út á land.

Athugasemdir

[Katrín Snæhólm Baldursdóttir, 25.1.2007 kl. 20:46]

Get ekki séð fyrir mér neitt annað en að þú leggir land undir fót og stelir bátnum og siglir hingað yfir.

Hér er baðbúð sem maður getur hreinlega dáið við að koma ínní.  FRÍSTANDANDI KOPARBAÐ! Hugsaðu þér..og þú með allt þetta pláss til að gera ævintýralegt baðherbergi. Fólk hefur aldrei skilið mikilvægi þess að gera baðherbergið að sínu helsta viðveruherbergi. Bókahillur og lampar, listaverk og baðkúlur í milljónatali og einn Butler. Thats life darling!

[Guðríður Hrefna Haraldsdóttir, 25.1.2007 kl. 20:54]

Ég legg drög að því að koma ... getur maður tekið koparbaðker í handfarangri? Ohhhhh ... Kannski geri ég allt snjóhvítt og skreyti svo tryllingslega flott með bókum, blómum, listaverkum og milljón baðbombum!

[Guðríður Hrefna Haraldsdóttir, 25.1.2007 kl. 20:57]

Þarf að drífa í því ... frú milljón, þar fæst nú margt sætt, minnir mig. Ég er bara orðin svo mikil landsbyggðarkerla! Maður nennir í Einarsbúð og búið!

[Katrín Snæhólm Baldursdóttir, 25.1.2007 kl. 21:07]

Þræddu kaupfélögin úti á landi. Getur örugglega fengið far með heimskonu íslands Ibbusig.

[GAA (IP-tala skráð) 25.1.2007 kl. 22:36]

Mér líst skolli vel á þessa mynd. Ég gæti alveg trúað að eitthvað sneddí fyrirfynndist á Drangsnesi eða Dagverðareyri. Allavega á Borðeyri. Hugsanlega flísar frá því 1960 á 8.40 stk.

[Heiða B. Heiðars, 26.1.2007 kl. 00:19]

Þegar þú segir aukahlutir ertu þá að meina svona dót undir handklæði, sápu oþh? Nú veit ég ekkert hvernig dót þú fílar.. en það er búð á Laugaveginu/Bankastræti.. man ekki hvað hún heitir en inngangurinn er við hliðina á inng. inn á Delí. Þar er allskonar fínt dót til, en það passar ekki með svona tryllingslega hvítu. 

[gurrí (IP-tala skráð) 26.1.2007 kl. 07:46]

Þegar ég tala um dót þá meina ég leikföng ... menn! Eins og þennan sem var í baði með mér á myndinni.

Mig langar í hlýlegt bað, fullt af litum og fallegum hlutum (ekki bara mönnum). Hmmmm

[Guðríður Hrefna Haraldsdóttir, 26.1.2007 kl. 09:11]

GAA, ég væri sko til í sixtís-flísar á baðið mitt!!!!