Gestrisnir kettir, næstum ástreitnir ...

Kettirnir mínir eru afar gestrisnir og umvefja flesta gesti mína með ást, sýna þeim næstum því ástreitni (ath, nýyrði Guðríðar). Ég náði góðum myndum af Kubbi og Tomma í aksjón þegar tvær Skagadömur kíktu í kaffi í kvöld. Kubbur tróð sér í fangið á annarri þeirra um leið og hún settist.

 

Hin skellti sér í eldhúsið hjá „ömmu“ (sjá síðustu færslu) og fékk sér piparköku síðan um síðustu jól. Daman hafði skreytt nokkrar hjá mér og ekki getað tekið þær. Nú voru þær orðnar vel þurrar og óhætt að skella þeim í poka.

Tommi reyndi að þvo henni um munninn, hann er alltaf svo snyrtilegur.

Eins og sjá má fyrir aftan hana á myndinni þá eru eldhúsgersemarnar mínar í einni klessu í hillunum. Hlakka til að gera eitthvað í eldhúsmálum svo að dótið mitt njóti sín betur. Á Hringbrautinni voru fínustu hillur hátt uppi undir loft og þar gat ég raðað hlutunum mínum. Býst við að reyna að finna nýjar innréttingar í eldhús og bað himnaríkis í IKEA, er ekki ódýrast þar?

 Jæja, ætla að fara að horfa á gamanmynd á DVD, vona að hún sé skemmtileg.

Athugasemdir

[Ólafur fannberg, 27.1.2007 kl. 23:06]

jamm svona eru kettirnir hehehee Átturðu heima á hringbrautinni?

[Guðríður Hrefna Haraldsdóttir, 27.1.2007 kl. 23:12]

Já, í 18 ár og fannst það fínt! Sakna íbúðarinnar oft og góðu nágrannanna en sé samt ekki eftir að hafa flutt á Skagann. Er bara 10 mín. lengur í strætó í vinnuna á morgnana. 

[Guðríður Hrefna Haraldsdóttir, 27.1.2007 kl. 23:12]

Já, í 18 ár og fannst það fínt! Sakna íbúðarinnar oft og góðu nágrannanna en sé samt ekki eftir að hafa flutt á Skagann. Er bara 10 mín. lengur í strætó í vinnuna á morgnana. 

[Guðríður Hrefna Haraldsdóttir, 27.1.2007 kl. 23:13]

Já, Anna, það er spurning um að láta sérsmíða fyrir sig ... ef ég hefði verið þessi eina með alla rétta í lottóinu væri það ekki spurning. Hheheheh

[Heimir Lárusson Fjeldsted, 27.1.2007 kl. 23:28]

Flottar kisur.

[Heimir Lárusson Fjeldsted, 27.1.2007 kl. 23:29]

Ástreitni gott orð hjá þér.

Viltu prófa það,...... ja t.d. mér? :)

[Ólafur fannberg, 27.1.2007 kl. 23:32]

hlaut að vera kannaðist svo vel við þig

[bara Maja..., 27.1.2007 kl. 23:33]

Ohhh elska kisur, sérstaklega ástreitnar kisur, æðisleg dýr

[Guðríður Hrefna Haraldsdóttir, 27.1.2007 kl. 23:45]

Ólafur: Verslar þú kannski í Kjötborg eins og ég í 18 ár? Og Heimir Fjeldsted! Hann er fastakúnni. 

[Ólafur fannberg, 28.1.2007 kl. 00:45]

hef sjaldan verslað þar