Margit og elskan hann Montoya

Reyndi af alefli að horfa á sænsku/norsku? heimildamyndina um Margit Sandemo. En blóðþrýstingurinn lækkaði hættulega mikið á fyrstu mínútunum, hausinn datt niður á bringu og þegar ég var næstum farin að slefa dreif ég mig í bað til að ná gleðinni aftur upp. Eins og Margit er skemmtileg manneskja með góðan húmor ... en það skiptir greinilega miklu máli hvernig heimildamyndir eru gerðar. Kannski missti ég af skemmtilegri helmingnum ....

 

En 24 brást ekki ... eða þannig. Kannski fær maður allt í einu ógeð á formúlunni og fer að hekla gardínur á sunnudagskvöldum.

Sem minnir mig á Formúluna, Formúlu 1. Hverjum á maður að halda með núna? Ekki láta ykkur detta í hug að ég hafi haldið með Schumacher ... þótt ég hafi ekkert á móti honum. Hann var fantagóður bílstjóri. Ég varð hálfmunaðarlaus þegar Montoya hætti! Nú verð ég að finna mér lið eða mann ... það er miklu skemmtilegra.

Best að sofa á þessu, lesa fyrst smá hrylling eftir Dean Koontz. Mér finnst allt í lagi að lesa hrylling fyrir svefninn ... einu sinni las ég flugslysabók í flugvél á leið til USA og hafði gaman af. Setti ekkert samasemmerki á milli, fattaði ekkert „smekkleysið“ fyrr en sessunautur minn benti mér hneykslaður á þetta. Múahahhahaha! Viðkvæmir þessir karlmenn.

Athugasemdir

[Ólafur fannberg, 28.1.2007 kl. 22:40]

bruummmmmm..........

[www.zordis.com, 28.1.2007 kl. 22:42]

Þú styður spænska lukkutröllið Fernando Alonso en hann brunar nú í Mercedes liðinu!  Spænska þjóðin hefur sjaldan eða aldrei verið jafn horf glöð eins og þegar Formúlan er ...  Alonso er fantagóður ökumaður!!!  Fantur fyrir Fant!

[Guðríður Hrefna Haraldsdóttir, 28.1.2007 kl. 22:44]

Sofna með Alonso í huga ... fleiri hugmyndir?

[Ólafur fannberg, 28.1.2007 kl. 22:46]

me me me......

[Guðríður Hrefna Haraldsdóttir, 28.1.2007 kl. 22:50]

Ókei, maður gerir allt fyrir afmælisbarnið!!!

[Ólafur fannberg, 28.1.2007 kl. 22:58]

á ekki afmæli fyrr en i desember hehehe

[Guðríður Hrefna Haraldsdóttir, 28.1.2007 kl. 22:58]

Það er svo miklu meira spennandi að eiga sér ökumann eða lið! Mun lesa mér til á Netinu um þetta, fara á formula.is og lesa blöðin í mars, þegar dýrðin fer að hefjast, þá tek ég ákvörðun! Mmmm, hlakka svo til í mars!

[Guðríður Hrefna Haraldsdóttir, 28.1.2007 kl. 22:59]

Ó, ekki datt mér í hug að fara í reiknivélina og reikna út tölurnar á síðunni þinni. Þú hefur platað alla í bloggheimum herra Ólafur!!! En til hamingju með afmælið í desember sl.

[Ólafur fannberg, 28.1.2007 kl. 23:18]

þakka,,ætlaði ekki að plata viljandi...

[Anna (www.blog.central.is/annabjo) (IP-tala skráð) 29.1.2007 kl. 20:09]

Seinni hlutinn af Sandemo var skemmtilegur, þú hefur líklega misst af því þegar hún framdi morðið á barnsaldri (í alvöru - en níðingurinn átti það skilið). Og Íslandsferðinni. Innskotin sem áttu að vera úr seinni tíma bókunum hennar voru hins vegar hrútleiðinleg. Ég hef því miður aldrei dottið í Ísfólkið, en framhaldssögurnar í Vikunni sem Kristín Halldórs þýddi svo vel, voru alvegt æði, einkum ,,Ellefu dagar í snjó" þar sem maður gat ekki beðið eftir að Kristín héldi áfram að þýða. Og svo einn góðan veðurdag sat Margit við kaffiborðið á Vikunni og var svo ljómandi skemmtileg þótt erindið væri ekkert fyndið. Jeg venter paa livstegn! sagði hún því erindið var að reyna að fá borgað hjá þáverandi eigendum Vikunnar. Hún var ekki orðin moldrík þá, en ég held það hafi skánað verulega. 

[Guðríður Hrefna Haraldsdóttir, 29.1.2007 kl. 20:29]

Datt í hug að seinni hlutinn af myndinni hefði verið skemmtilegur ... ansans!

Takk fyrir þessa sögu af Margit, auðvitað hittir þú hana þegar þú varst blaðamaður á Vikunni, var búin að gleyma því!