Hvað ætli Danir hafi borgað honum mikið?

Kíkti á Mbl.is áðan og varð ekki hrifin ... hvers vegna lepjum við upp einhverja vitleysu eftir fyrrum landsliðsmanni Þýskalands í handknattleik, einhverjum Christian Fitzek? Um að Ísland sé með lakasta liðið!

Þessi maður er bara að reyna að draga úr baráttuþreki okkar manna í lokaslagnum! Hann reyndi að slá ryki í augun á okkur með því að segja að liðið okkar væri skemmtilegast, það er nú bara til að við kaupum ekki upp öll fyrirtæki í Danmörku næstu dagana, ... en af hverju minntist hann ekki á að við séum með fallegasta liðið? Það hefði a.m.k. verið sárabót fyrir þær sem horfa ekki á strákana leika handbolta, heldur lærin á þeim (sbr. Kollu).  

Sálfræðihernaður er þekktur í stríði og ég vona að þjálfarinn láti strákana okkar ekki frétta af þessu fyrir leikinn. Hvað skyldu Danir borga fyrir þetta bull úr besta vini sínum, Þjóðverjanum?

Ég ætla ekki að horfa á þennan leik fremur en aðra en mun nota hugarafl mitt til að rugla Dani í ríminu. Áfram Ísland!  

Athugasemdir

[Anna (www.blog.central.is/annabjo) (IP-tala skráð) 30.1.2007 kl. 12:50]

Samt eitt jákvætt við fréttina, við erum skemmtilegust! En Danir hafa ranglega eignað sér þann titil að vera skemmtilegastir allra. Ef frá er talinn Finn Söbergm Piet Hein og Helle vinkona mín þá finnst mér Danir bara yfir höfðu ekkert sérstaklega skemmtilegir. Þeir eru áhættufælnir (vona að það lýsi sér í leik þeirra í kvöld) og óttalegir kvartarar. Og svo er skynsemi þeirra ekki alltaf svo skemmtileg (vona að þeir stilli henni í hóf í kvöld) eða eins og góður maður sagði eitt sinn: Danir, þeir eru svo fornuftig!

[SigrúnSveitó, 30.1.2007 kl. 13:06]

Uss, danir eiga svona sem þjóð erfitt með að þola ef íslendingum gengur vel.  Og auðvitað þola þeir ekki að "við" höfum keypt upp nokkur fyrirtæki.  Svo er það versta sem kemur fyrir þá að tapa fyrir íslendingum - gömlu þrælunum - í íþróttum!!!

Hins vegar finnst mér sumir danir skemmtilegir og á marga góða danska vini eftir 9 ára sjálfskipaða útlegð í baunaveldi...en þjóðin svona í heild er "not my cup of tea"!!! 

[Heiða B. Heiðars, 30.1.2007 kl. 13:18]

Kolla er greinilega jafn nösk og ég þegar kemur að því að sjá girnileg læri... og ég er ekki að tala um sauðfjársamninginn! 

[Guðríður Hrefna Haraldsdóttir, 30.1.2007 kl. 13:20]

Mundu, karlmenn eru ekki leikföng, þeir eru lifandi verur!

[Heiða B. Heiðars, 30.1.2007 kl. 14:01]

Já.. lifandi leikföng

[Katrín Snæhólm Baldursdóttir, 30.1.2007 kl. 14:01]

Ég á nú eftir að sjá að sófakartaflan rísi upp frá dauðum og leyfi manni að leika smá. Sit hér og stari á lærin á henni og mæli með að danir fái sér smá bjórsopa fyrir leikinn rétt eins og landar þeirra.