Ofsóknir í matsalnum - frelsum laxinn

Úff, lax í matinn í hádeginu. Ekki uppáhaldsmaturinn minn. Ég reyndi og fékk mér en máltíðin endaði með salatbar og bygggrjónarétti sem var bara nokkuð góður.

Hún er ekki feit hún Sigga sem vinnur með mér og því var hún auðveld bráð fyrir umhyggjusama vinnufélaga í hádeginu ... „Ætlar þú bara að borða eitt harðsoðið egg með kotasælu? Ertu í megrun?“  

Eftir að ég var búin að spyrja Siggu hvort henni fyndist þetta umhyggja eða íhlutun í innanríkismál lamdi ég hitt fólkið og fékk góða útrás við það ...fannst eins og ég væri að berja Pétur Blöndal. Heheh, djók. Þetta var farið að nálgast einelti ... má maður ekki vera matvandur í friði? Siggu finnst mötuneytismatur vondur ... borðar bara góðan mat! Mikið er búið að fara illa með mig í gegnum tíðina fyrir að ég borða ekki hnetur, möndlur, döðlur og rúsínur. Sumum finnst þetta persónuleg móðgun því að hnetur ERU svo góðar ... sure! 

Eitt sumarið forðum þegar erfðaprinsinn var í sveitinni var mér tvisvar boðið í mat ... og í bæði skiptin var lax á boðstólum. Ég kveinaði þegar seinni gestgjafinn, Elfa vinkona, sagði hvað var í matinn. „Þolir þú ekki bein, Gurrí mín, ég skal hreinsa fyrir þig!“ Svo hreinsaði hún fiskinn en samt fann ég þrjú bein og missti matarlystina. Frammi í matsal áðan fékk ég bein upp í mig í fyrsta matarbita. Nú hef ég tekið þá ákvörðun að mér finnst lax vondur ... þessi síðasta martröð núna í hádeginu sannaði það. Ein hugmynd! Hvernig væri að leyfa laxinum bara að vera frjálsum í náttúrunni? Eins og einn strætóbílstjórinn tautaði um hunda þegar hann sá Rottweiler-hund í bleikri peysu í Mosfellsbæ um daginn!

P.s.Reyktur lax er allt annað, hann er sjúklega góður!

P.s. 2:  Héðan í frá fá allir refsistig sem reyna að bjóða mér í lax! Svo ákveð ég einhverja skelfilega refsingu þegar stigin eru orðin nógu mörg. Hehehehe!  

Athugasemdir

[Guðrún Eggertsdóttir, 31.1.2007 kl. 14:52]

Mér dettur í hug: ætli það sé til Bandalag íslenskra mötuneyta?  Nokkurskonar miðstýrð stofnun sem leggur á ráðin um matseðil vikunnar.  Það var nefnilega lax í dag í mötuneytinu sem ég sæki, að vísu reyktur (gott) og svo var graflax-sósa borin með (enn betra).  Það lyftir alltaf brúninni hjá mér, þegar ég fæ góðar sósur. mmmmmmmmmmmmmmmmmm

[Dagbjört (IP-tala skráð) 31.1.2007 kl. 15:20]

Má bjóða þér í lax? ;)

Kv. Dagbjört 

[Guðríður Hrefna Haraldsdóttir, 31.1.2007 kl. 15:23]

Heheheheh! Dagbjört komin með refsistig og Guðmundur stendur tæpt!!!

Vildi að ég hefði verið í mötuneytinu hennar Guðrúnar ...

[Jóhanna (IP-tala skráð) 31.1.2007 kl. 17:42]

Viltu ekki einu sinni grafinn eða reykta lax... Það er svo gott en ég er alveg sammála þér með eldaðan lax. Hann er ekki góður og hana nú...

[Guðríður Hrefna Haraldsdóttir, 31.1.2007 kl. 18:35]

Reyktur og grafinn lax er æði, ekki soðinn eða bakaður ...

[Hildigunnur Rúnarsdóttir, 31.1.2007 kl. 22:59]

mmmm, lax. Í öllum formum... Nema reyktur sem er búið að hita. Bjakk. ;-)