Sjokk í kjölfar myndagúggls

Maður finnur ótrúlegasta fólk þegar maður gúgglar myndir. Þar sem ég fann t.d. mynd af Óla Palla áðan prófaði ég að setja nafnið mitt ... og kræst!!! Persónur úr heimildamyndinni um Hlemm birtust hver af annarri og nafnið mitt undir.

Ég skrifaði umsögn í Vikuna um myndina og hafði ÞETTA  upp úr því. Svo var villa í umsögninni, stóð eitthvað um ... „lífið á Hlemm.“ Ég sagði örugglega HlemmI.

En maður hefur sætt sig við annað eins í gegnum tíðina, t.d. myndina á debitkortinu, ég er eins og vélsagarmorðingi á henni. Þessi hryllingur er líka á kreditkortinu sem ég þarf að nota í útlöndum. Maður í bókabúð á lestarstöð í Ameríku virti myndina heillengi fyrir sér, hafði aldrei áður séð ljósmynd á Vísakorti og fannst þetta stórmerkilegt. Ég sagði kuldalega eftir smástund: „Now I will have to kill you!“ Hann hló ekki að myndinni, held að hann hafi skilið örvæntingu mína yfir henni. Svona er að gleyma að senda nýja mynd af sér fyrir endurnýjun ...

 
Ég var ánægð með X-Factor í kvöld og létti all svakalega þegar krakkarnir hennar Ellýjar sluppu allir í gegn. Þessi Guðbjörg er algjört náttúrutalent! Hún hlýtur að komast langt. Og ef Palli heldur svona glæsilega áfram með Hara-hópinn sinn, Karíus og Baktus stelpurnar frá Hveragerði, munu þær líka verma eitt af efstu sætunum. Þjóðin elskar þær, eins og Guðbjörgu. Annars er fullt af góðu fólki þarna sem á eflaust eftir að syngja sig inn í hjartað á manni.

Athugasemdir

[Svava S. Steinars, 3.2.2007 kl. 02:58]

Myndin í debet/kreditkortunum mínum er alveg í lagi.  En á myndinni í vegabréfinu lít ég út eins og útjöskuð vændiskona. 

[Silja Dögg (IP-tala skráð) 3.2.2007 kl. 10:36]

VÁ, hvað þú bloggar mikið, nú þegar ég er loksins byrjuð að lesa. En alls ekki fækka færslunum, þær eru hver annarri skemmtilegri.

Ég vona að þeir lækki "ellimörkin" svo þú getir flutt til Spánar. Kemur þá til mín í kaffi og við bullum saman:-) Sjórinn er ekki langt undan að það besta er að maður þarf ekki að vera í snjógalla og með lambhúshettu þegar maður fær sér göngutúr á ströndinni á veturna. Hér er líka heill haugur af myndarlegum, einhleypum, ríkum mönnum...hva, varstu að segja...búin að panta miða?

[www.zordis.com, 3.2.2007 kl. 11:03]

Tek undir með Silju, bönns af ríkum, fögrum og rennilegum karlmönnum.  

[Hildigunnur Rúnarsdóttir, 3.2.2007 kl. 15:05]

hún Guðbjörg er sko að læra að syngja hjá Hallveigu systur :-D

[Guðríður Hrefna Haraldsdóttir, 3.2.2007 kl. 15:08]

Já, er það ekki!!!! Sú má vera stolt af stelpunni!!!

[Hildigunnur Rúnarsdóttir, 3.2.2007 kl. 15:29]

ekki smá! :-)

[Svala Jónsdóttir, 3.2.2007 kl. 20:47]

Guðbjörg er flott söngkona og á bara eftir að batna með aldrinum. Svo er hún mega krútt. Hún hlýtur að ná langt í þessari keppni. :)