Er himnaríki að hrynja?

Loftljósið í bókaherberginu virkar ekki, peran virðist vera farin ... eftir aðeins tæpt ár, ég flutti inn í himnaríki 10. febrúar í fyrra og peran virkaði traust!

Og ég kann ekki að skipta, skrýtinn, skrúfaður kúpull, flókið og ógnvekjandi dæmi, sýnist mér. Hverjum dettur líka í hug að setja upp svona ljós, hvorki fallegt né einfalt?

Samkvæmt venjum himnaríkis mun lömpum bara fjölga í herberginu þar til einhver snjall kemur í heimsókn og bjargar málum. Þótt það taki vikur.

 

 

 
Ég fékk uppþvottavél í þrítugsafmælisgjöf frá nánustu fjölskyldu. Það liðu 11 mánuðir þangað til hún var tengd. Tveir píparar mættu eftir að ég hringdi í þá (með c.a. þriggja mánaða millibili) könnuðu aðstæður, lofuðu að koma fljótlega en sáust aldrei aftur. Sá þriðji hringdi óvart á dyrabjöllunni hjá mér í júlí, það var leki í íbúð á neðri hæðinni. Ég greip hann glóðvolgan og hviss, bang, vélin var komin í gang samdægurs! Svona eiga iðnaðarmenn að vera!

Hann var í vinnu fyrir Húsfélag Alþýðu (já, ég tilheyrði einu sinni alþýðunni) og fannst lítið mál að tengja eina, litla uppþvottavél sem stóð uppi á eldhúsbekk. Hann tryggði mér mörg þægileg ár, þessi elska.

Athugasemdir

[Katrín Snæhólm Baldursdóttir, 3.2.2007 kl. 17:25]

Já frú Guðríður. Einhversstaðr segir..Svo á jörðu sem og himni. Himnaríki er ekki undanskilið röskunum sem eru að ganga yfir jörðina og terrorisma. Þú ert bara að verða eins og sumir stjórnmálamenn. Ekki í neinni tengingu við það sem er að gerast á jörðinni..hehe.

"Komdu niður kvað hún Kata..Komdu niður kvað hún amma kata..komdu niður, komdu niður komdu niður sungu þau öll í kór..á stoppistöðinni í Mosó.

[Guðríður Hrefna Haraldsdóttir, 3.2.2007 kl. 17:52]

Snilld að kalla hana Friðbjörgu. Skil ekki hvers vegna þvottavélin á heimilinu í London sem ég var sem au pair var látin heita Sigurhjörtur! Fannst það fyndið. En ég er afar þakklát fyrri íbúum hér að hafa skilið gömlu uppþvottavélina eftir.

[www.zordis.com, 3.2.2007 kl. 19:02]

Eiginmaður minn afþakkaði uppþvottavél að gjöf frá foreldrum mínum.  Nú sér hann alfarið um allt sem heitir uppvask, nema ég þurfi að svala geðinu!

[Heiða B. Heiðars, 3.2.2007 kl. 19:05]

Elsku besta! Þú verður bara að hella þér út í djúpu laugina! Við prinsessurnar, sem erum of góðar fyrir alla plat-prinsanna, verðum að kunna svona hluti sjálfar!!

[Guðríður Hrefna Haraldsdóttir, 3.2.2007 kl. 19:18]

Elllllsssgggan mín, ég kann sko allt, nema á svona tæki ... ljósakúpla, ætla sko ekkert að biðja einhvern karl um að hjálpa mér við þetta. Fæddist með ofsahræðslu gagnvart rafmagni! Rafvirkjar eru í guðatölu hjá mér, bara fyrir að þora!

[Heiða B. Heiðars, 3.2.2007 kl. 19:46]

....og ekki gleyma óguðlega reikningnum! 

Þoli ekki svona ljósakúppla! Man eftir einhverju svona dæmi þar sem ég ákvað bara að brjóta helv... niður