Hér kemur brandarinn

4.2.2007 | 13:45

Þúsundir bloggvina hafa farið fram á að ég segi brandarann sem var sagður í afmælinu í gær og ákvað ég að bregðast við þessum óskum. Þetta er Nonni í Koti-brandarinn en Nonni í Koti er skáti og lögga ... well, eflaust hafa einhverjir heyrt hann en kannski ekki allir. Það var a.m.k. mikið hlegið í afmælinu þegar veislustjórinn sagði hann.

„Lögreglumaðurinn átti fallega konu sem hann elskaði mikið. Hann var þó alltaf hræddur um að hún ætti sér elskhuga. Þegar lögginn var sendur í vinnuferð út á land í viku ákvað hann að reynda að fá grun sinn um framhjáhald konunnar staðfestan. Hann lét lóð hanga neðan úr hjónarúminu og yfir skál með rjóma í. Ef fleiri en einn lægju í rúminu myndi lóðið fara ofan í rjómann og þá myndi hann vita vissu sína. Þegar hann kom heim viku seinna kíkti hann undir rúmið. Jú, jú, lóðið sýndi svo ekki var um villst að eitthvað hafði gerst en þegar hann kíkti ofan í rjómaskálina sá hann að rjóminn var orðinn að smjöri!“