Svik vélstýrunnar, Jónína Ben kemur við sögu

Þá er erfiða gátan hjá skessunni leyst.

Einhver $/&%/$$% rúllaði þessu upp eftir að hálfur Moggabloggheimur hefur brotið heilann um þetta í allt kvöld, frestað baðferð og svona.

 

Svo er þetta nafnorð bara frekar algengt og víst það eina á íslensku sem endar á V-i, að sögn Aðal-Heiðu skessu.

 

Eftir mikið bölv og ragn lét ég annan taka af mér heiðurinn.

 

 

 

 

Sá mér til mikillar angistar áðan að ég er dottin úr 78. sæti niður í 82. sæti á vinsældalista Moggabloggsins! Hvað er eiginlega með Jónínu Ben, Þórarin Eldjárn, magaminnkun, Ómar Ragnarsson og fleiri sem byrjuðu á eftir mér og hafa rokið upp listann með hraða eldingar?

Vélstýran lofaði mér miklum frama hérna á þessu bloggi, ég yrði varla meira en vikuna að ná upp í topp 10! Nú hef ég bloggað afar gáfulega um strætóferðir, himnaríki, fallega menn, ketti og helling í viðbót í þrjár vikur en er lúser!

Á toppnum sitja Simmi, Denni og Hrafn ... reyndar skítsæmilegir bloggarar, en ég lít á þetta sem svik vélstýrunnar ... hún er sjálf á topp tíu. Ég bíð bara spennt eftir því að fyrirtæki sem hljóta að fara að blogga bráðum, t.d. Hjónabandsmiðlun Hjördísar, Brotnir handleggir hf, Bílasala Bergmundar hrekji hana úr hásætinu! Tímaritið Bílar og sport er t.d. rétt fyrir ofan mig. Af hverju getur það ekki sent speki sína út á pappír eins og önnur tímarit? Og Nýkratar? Hafa þeir ekkert annað að gera, Wake Up, það eru að koma kosssssningar!!!

Héðan í frá verður hér aðeins að finna eitthvað áhugavert um fiskeldi í Téténíu, lýs á spendýrum, ígulkerjaveiðar og slíkt sem mun hjálpa mér upp á topp þrjá á örskömmum tíma!!!  

Athugasemdir

[Heiða B. Heiðars, 4.2.2007 kl. 23:49]

Flott mynd En hvernig í ósköpunum færðu út að þú sért í 78.sæti?????

[Guðríður Hrefna Haraldsdóttir, 4.2.2007 kl. 23:52]

Maður fer inn á mbl.is, ýtir á blogg og þegar allt þetta gullfallega fólk (bloggarar) birtist sérðu orðið "vinsælt" með aðeins minni stöfum þarna efst. Sá að þú og Sveinn Waage, fyndnasti maður landsins, sláist um sama sætið! Hann vinnur með mér og ég skal sjá til þess að hann bloggi ekkert í bráð ... þá skýstu upp fyrir hann! Múahahahahhaha!

[Katrín Snæhólm Baldursdóttir, 4.2.2007 kl. 23:52]

Eitt klikkar ekki. Setur link á einhverja frétt á mbl og segir í fáum orðum hvað þér finnst um þessa frétt. T.d  hey mér fannst þetta frekar skondið sko.......og Allir vilja vita og lesa fréttina aftur og aftur. Bara hjá mismunandi bloggurum. Ættir að komast léttilega inn á topp 50 allavega.

[Heiða B. Heiðars, 4.2.2007 kl. 23:54]

Gurrí mín.... leggðu bara gátuna góðu fyrir Sveinn Waage og hann gerir ekki annað en að brjóta heilann

[Guðríður Hrefna Haraldsdóttir, 4.2.2007 kl. 23:54]

Bíð eftir góðri frétt frá Téténíu svo að ég geti fjallað fjálglega um fiskeldi! Takk, elskan en ég er reyndar alsæl í 82. sæti. Finnst það eiginlega skrambi flott að vera í topp 400 þegar það blogga 4000 manns hérna!

[Guðríður Hrefna Haraldsdóttir, 4.2.2007 kl. 23:55]

Já, Aðal-Heiða, það skal ég gera, strax í fyrramálið!!!

[Guðný Anna Arnþórsdóttir, 5.2.2007 kl. 00:10]

Jæja kona góð, nú hef ég opnað prufusíðu á blog.is  Er maður ekki í rífandi góðu kompaníi við allífið hér?

[bara Maja..., 5.2.2007 kl. 00:20]

hehe ég er í 226 sæti og er sko í mjög fríðu föruneyti... engin önnur en Unnur Birna alheimsfegurðardrottning í 227 sæti

[Björg K. Sigurðardóttir, 5.2.2007 kl. 00:36]

Þú græðir örugglega helling af lesendum fyrst þú minnist á JB í fyrirsögninni

Ég spái því að bloggið þitt verði komið í topp 50 fyrir hádegi á morgun. 

[Svava S. Steinars, 5.2.2007 kl. 01:03]

Talaðu um Viagra eða nakið kvenfólk, það ætti að skrapa þér nokkur sæti :-)  Er farið að vanta sárlega baðbombur og heimsókn í himnaríki.  Verð með stuðningsbarnið næstu helgi, við ættum kannski að kíkja á þig ?

[Guðríður Hrefna Haraldsdóttir, 5.2.2007 kl. 08:24]

Já, Svava, þú ættir að kíkja! Mig er líka farið að vanta baðbombur!!!

[Ólafur fannberg, 5.2.2007 kl. 08:26]

ææææ

[Guðríður Hrefna Haraldsdóttir, 5.2.2007 kl. 08:58]

Hehehehh

[Svala Jónsdóttir, 5.2.2007 kl. 11:25]

Þú ættir að skrifa magnaða færslu um það að einhverjir ónefndir menn á netinu séu að rægja þig, a la Jónína Ben. Ef það bregst geturðu reynt að koma með eitthvað skúbb um pólitíkina, eins og það hvort að Ómar ætlar að bjóða fram eða þá hverjir fara í framboð með Margréti Sverris.

Ef það bregst, þá er bara málið að koma nakin fram.

 P.S. Ég er pínu móðguð að vera ekki á listanum yfir frábæra bloggara.

[Ester Júlía, 5.2.2007 kl. 11:35]

Já uss uss svei svei.....  fullt af fólki sem byrjaði að blogga á eftir mér er miklu ofar á vinsældarlistanum en ég..þar á meðal þú!   Reyndar getur maður ekki ætlast til þess að maður sé innan við hundrað í vinsælustu bloggunum þegar maður bloggar nánast aldrei

[Guðríður Hrefna Haraldsdóttir, 5.2.2007 kl. 12:45]

Ó, elsku Svalan mín!!! Sko, ég er rétt hálfnuð að setja inn Frábæra bloggara af öðrum kerfum en Moggakerfinu ... það myndi kannski flýta fyrir að fá þig sem MOGGABLOGGVIN og þannig gæti ég farið daglega inn á alvörusíðuna þína!

Ég móðgaði Hjört Howser svo mikið að hann henti mér út af blogglistanum sínum, nema honum hafi þótt flott að hafa bara karlmenn þar ... en ég elska hann samt!!!

[erlahlyns.blogspot.com, 5.2.2007 kl. 14:03]

Ofarlega á þessum vinsældalista er einnig moggablogg sem kennir sig við femínista, nema hvað að enginn vill kannast við að stýra þessari síðu og lokað á athugasemdir við færslur. Frekar plebbalegt allt saman. En þetta er vinsælt, svo ég mæli með því að þú talir um femínista og álíka sem vekur sterk viðbrögð hjá fólki. 

[Guðríður Hrefna Haraldsdóttir, 5.2.2007 kl. 14:16]

Ég hef það blogg um að vera ættað frá körlum sem eru að reyna að koma okkur aftur bak við eldavélina ... Les frekar það sem er undir nafni og hef gaman af :)

[Guðríður Hrefna Haraldsdóttir, 5.2.2007 kl. 14:16]

Hef það blogg GRUNAÐ ...