Bloggvinir í framboð - Femínismi fótum troðinn

6.2.2007 | 10:14

Bloggvinir í framboð - Femínismi fótum troðinn

Mikið var gott að þurfa ekki að rífa sig upp um miðja nótt til að hlaupa í strætó og hræða blaðburðardrenginn á Höfðabrautinni á leiðinni með því að rífa Moggann minn af honum í skjóli myrkurs. Mikið dáist ég annars að blaðberum sem þjóta á milli húsa með skammtinn handa fréttaþyrstum blaðasjúklingum í kulda, trekki og enn niðamyrkri.

Það var svo ótrúlega fallegt að horfa yfir sjóinn fyrr í morgun og sjá höfuðborgina í appelsínugulum bjarma sem nú er óðum að hverfa.

Nú skal unnið af krafti í dag. Gjörsamlega ódauðlegar greinar skulu skrifaðar af krafti og snilld. Ég hætti ekki fyrr en Pulitzer-verðlaunin eru í höfn.

Kíkti á stöðu mína áðan á Moggablogginu. Með hjálp þessara hugmyndaríku bloggvina (sumir kalla mig reyndar sjónvarpssjúkling en ég kýs að líta fram hjá því) tókst mér að stökkva upp listann ... um heil fimm sæti sem er algjör snilld! Kannski fer ég að dissa Útvarp Sögu í fyrirsögnum til að fá t.d. Björn Bjarnason inn á bloggið mitt, það er nú þungavigtarmaður ... efast þó um að hann kommenti þótt ég hafi jafngaman af Svartseneggermyndum og hann!

Þetta sem ég sagði um að ná vélstýrunni klukkan fjögur og Topp-tríóinu hálftíma síðar ... ja, ég nefndi aldrei hvaða ár ég ætlaði að gera það, svo það sé á hreinu!

Flokkur: Bloggar | Facebook