Lífsgæðakapphlaup í kattheimum

Til að hita upp fyrir 24 ákvað ég að kíkja á nýjan spennugamanþátt á SkjáEinum. Hann er um mann sem þykist vera miðill og er fenginn til að hjálpa lögreglunni að upplýsa mannrán. Maðurinn hefur góða athyglisgáfu og er nokkuð snjall. Pabbi hans, löggan, hefur þjálfað hann í að taka eftir hlutunum. Mikið held ég að ég væri slæmt vitni fyrir lögregluna, ana áfram í gegnum lífið og horfi á hluti án þess í raun að taka eftir þeim.

Stóra systir verður seint kölluð kattakerling þótt hún eigi kött. Hún á nefnilega mann líka.

Hún sagði mér frá því að í Fiskó, dýrabúðinni sem hún fer stundum í, fáist leðursófar fyrir ketti og kosta rúmlega 20 þúsund kall stykkið! Þegar Mía verður rík ætlar hún að kaupa leðursófa fyrir Bjart. Þá verð ég kannski orðin svo rík, að ég get keypt heilt sófasett fyrir Kubb og Tomma! Þá geta þau nú aldeilis boðið gestum í heimsókn!

Svona getur nú lífsgæðakapphlaupið hoppað alla leið yfir í kattheima.  

Athugasemdir

[Guðríður Hrefna Haraldsdóttir, 11.2.2007 kl. 21:41]

Hann var svo langur að ég þarf að horfa á 24 á Stöð 2 plús!!! Já, ég held að ég nenni að horfa á næsta, alltaf gaman að sjá gátur leystar ...

[Kleópatra Mjöll Guðmundsdóttir (IP-tala skráð) 11.2.2007 kl. 21:42]

ómægod leðursófi fyrir kisa .... sé fyrir mér að kisa stúti honum fljótt

hundurinn minn hefur aldrei átt leðursófa, bara stól sem er honum ætlaður.... er bara sáttur við það held ég

[Hildigunnur Rúnarsdóttir, 11.2.2007 kl. 21:44]

þetta er náttúrlega bilun...

Ekki fær Loppa leðursófa á tuttuguþúsund, aldrei í lífinu!

[Guðríður Hrefna Haraldsdóttir, 11.2.2007 kl. 21:46]

Það vantar alveg í þig montið og kattahúsgagnametnaðinn, Hildigunnur mín!

[Heiða B. Heiðars, 11.2.2007 kl. 21:52]

Leðursófasett fyrir ketti? En klærnar..? Og hversu ruglað er það að spá í hvernig kettir fara með leðursófa sem þeir ættu aldrei að eignast til að byrja með!! 

[Díana Sigurðardóttir, 11.2.2007 kl. 22:05]

Sæl Gurrý mín vildi bara láta þig vita að ég er komin með blogg-síðu en er í smá basli við að koma henni í það horf sem ég vil. Barnið á myndinni er Sebastian strákurinn hans Hlyns Freys þú mannst eftir honum er það ekki ?

[Guðríður Hrefna Haraldsdóttir, 11.2.2007 kl. 22:08]

Vá, er Hlynur litli búinn að eignast barn???? Hljómar vel. Vona að þú verðir dugleg að setja inn myndir! Ég er ekki tölvunörd en mér hefur tekist að bögglast áfram hérna í einföldu umhverfinu og líst bara ansi vel á mig á Moggablogginu. 

Ég sá fyrstu færsluna á Mbl.is/blogg  fyrir tilviljunog heimtaði strax að gerast bloggvinur þinn ... segðu já, plís!!!  

[Díana Sigurðardóttir, 11.2.2007 kl. 22:14]

er búin að því, já hann varð 2ja ára í desember, en Hlynur býr í Köpen. vinnur í lekhúsi þar svo það er annsi langt að heimsækja hann, en við notum Skipe til að ég geti séð Sebastían, Ívar Örn er að verða pabbi í annað sinn 17. maí svo ég er orðin margföld amma !!!

[Anna Ólafsdóttir Björnsson, 11.2.2007 kl. 22:21]

Þessi köttur er ó-mót-stæðilegur (með fullri virðingu fyrir Tómasi og Simba - sem eru reyndar greinilega ættingjar).

[Guðríður Hrefna Haraldsdóttir, 11.2.2007 kl. 22:28]

Hann er voða sætur og greinilega ættingi Tomma og Simba. Sófinn er líka mjög flottur en svona í alvöru talað ... ég myndi aldrei kaupa leðursófa fyrir kött á yfir 20.000 ... kannski 5.000 ef ég ætti nóg af peningum, bara fyrir djókið. Mía sagði mér frá þessu og skellihló, sæi hana ekki kaupa svona sófa þótt Bjartur sé í miklu uppáhaldi! Hún prjónar reyndar flott og mjúk teppi í körfuna hans ...

[Svala Jónsdóttir, 11.2.2007 kl. 22:49]

Voffilíus á tvö búr, hvolpagrind og körfu, en leðurhundasófi - nei, þar dreg ég mörkin.

Psych var bara skemmtilegur. Lofar góðu. :)

[www.zordis.com, 12.2.2007 kl. 08:15]

Þessi bleiki er ótrúlega gæjalegur!  Ég ætla að fá mér sófa og svo kött