Synd að missa Sigga

16.2.2007 | 23:47

Ekki hefur valið verið auðvelt hjá Ellýju dómara í kvöld!!! Eiginlega var bara fáránlegt að Siggi og GÍS hafi lent í neðstu sætunum. Ég hefði sko grátið með Palla ef hann hefði misst næstsíðasta hópinn sinn út úr keppni og það er svo sem komið að Einari að missa sinn fyrsta keppanda ... en Siggi var ekki verstur í hópnum hans, mér fannst hann eiginlega bestur! Einar var ansi reiður yfir úrslitunum, þessi elska! Það fljúga þvílíkt skotin á milli dómaranna, það er eiginlega hálfóþægilegt!

Frú Katrín, er X-Factorinn þinn í Englalandinu kannski fullur af sprengiefni og hálfgerðum svívirðingum?

Rétt mundi eftir að horfa á Silvíu Nótt í seinkaðri dagskrá á SkjáEinum. Mér finnst hún æði (og ég segi þetta ekki til að sleppa við að fá hana í himnaríki til mín, hún er alltaf velkomin)!

Svo langar mig að horfa á fræðslumyndina hans Al Gore, hún bíður þangað til á morgun ...

... og líka einhver spennumynd með Van Damme eða Steven Segal, held ég! Alltaf gaman af góðum hasarmyndum inn á milli. En þær þurfa þá að vera góðar. Ég deili aðdáun á Die Hard og True Lies með Birni Bjarnasyni! Á það sameiginlegt með honum, eins og ég á sameiginlegt með Bretadrottningu að fá ókunnugan mann á rúmstokkinn og það um svipað leyti. Það var kannski í tísku þarna að villast inn í ókunnugar íbúðir og bögga sætar stelpur!

Flokkur: Bloggar | Facebook

Athugasemdir

Ég keypti "An Inconvenient Truth" þegar ég var úti í USA og ég verð að segja að hún fékk mig til að hugsa mjög mikið! Al Gore var líka þrælgóður í myndinni - þú skalt endilega horfa á hana! Seagal og Under Siege ... mynd sem alltaf er hægt að brosa að og skemmta sér yfir! Ég er meira að segja að hugsa um að horfa á Die Hard núna áður en ég fer að sofa. Vinna á morgun ...

... já og góðir bókasafnskrakkar eru velkomnir á Amtsbókasafnið hér fyrir norðan

Doddi - Þorsteinn G. Jónsson (IP-tala skráð) 17.2.2007 kl. 01:29

æ--tla ei um pólitík mig að tjá, hvað er lengst til vinstri......Smá svona, útúrdúr.

Músíkk og algleymdi, þreyta og þunninldi, lífiðið samt i sinni hráustu mynd. þekkjið þið þetta?

Guðný Anna Arnþórsdóttir, 17.2.2007 kl. 03:39

Ég er eiginlega búin að gefast upp á að horfa á þetta blessaða X-Factor, vegna yfirgengilegs bjánahrolls sem ég fæ í hvert sinn sem dómararnir byrja að skjóta hver á annan eins og leikskólabörn. Kannski ég fái bara að dæma á næsta ári?

Tinna (IP-tala skráð) 17.2.2007 kl. 08:34

Væri alveg til í að sjá einn þátt með drottningu Silvíu Nótt!!! Er það kanski möguleiki á netinu

www.zordis.com, 17.2.2007 kl. 09:43

Gurrí. Ég treysti þvi að þú horfir á Eurovision í kvöld og kjósir þar rétt...

Mannstu Eika Hauks ;)

Annars er ég sammála þér með Sigga, þá fáu þætti sem ég hef séð var hann bara mjög góður. Synd að hann skuli vera dottin út. En það segir bara að maður verður að passa sitt fólk vel...

Jóhanna (IP-tala skráð) 17.2.2007 kl. 10:33