Tvöfalt skúbb, frjálslyndir koma við sögu

Frétti áðan að einn keppandinn í X-Factor hefði misst fingur í slysi í gær. Bílhurð er um að kenna. Þótt Einar Bárðarson sé mikill keppnismaður fylgdi það sögunni að hann hefði ekki gert henni Ingu þetta til að halda henni í keppninni.

Nú verður hún X-Factor-stjarnan, þessi elska, nema eitthvað enn meira krassandi gerist hjá öðrum keppanda. Bataóskir til Ingu, hún er flott! Og ótrúlega fyndið hvernig var látið í sambandi við aldur hennar í byrjun.

Hún er ári yngri en Madonna, bara svo það sé á hreinu.

 

Halldóra steinsofnaði í gær í sófanum á meðan ég sat og las ódauðleg orð bloggvina minna. Ég reyndi eftir bestu getu að halda mér vakandi, alla vega til að sjá endursýninguna á Silvíu Nótt og það tókst, snilldarþáttur. Svo steinsofnaði ég og vaknaði ekki fyrr en móðir Halldóru hringdi til skiptis í gemsa og heimasíma ... Ég reyndi að senda henni hugskeyti, leyfðu okkur að sofa ... en svo gast ég upp, svaraði og sagði: „Leyfðu okkur að sofa!“

Svo kom mamman í hádeginu og við skruppum allar þrjár á kaffihúsið. Þar varð ég vitni að mjög grunsamlegum fundi hjá Frjálslynda flokknum. Magnús Hafsteinsson og þrír aðrir sátu og spjölluðu saman. Hvað var í gangi? Hvað var verið að pukrast? Var þetta kannski bara saklaus sunnudagsfundur?

Það vantaði reyndar reykjarmökkinn og dregur aðeins úr grunsemdum mínum. Svo frétti ég að Samfylkingin hefði verið þarna í gærmorgun. Hvað er að gerast? Eru að koma kosningar?  

Athugasemdir

[Guðríður Hrefna Haraldsdóttir, 18.2.2007 kl. 14:17]

Já, það var grunsamleg tónlist í bakgrunni, djass eða eitthvað ... verst að ég sá ekki hópinn fyrr en ég var að borga og Magnús líka, hann var svo brosmildur, sætur og sakleysislegur ... en við vitum betur. Múahahahahaha! Já, Arna, hvað gerist næst?

[Ester Júlía, 18.2.2007 kl. 14:19]

Til hamingju með daginn kæri bloggvinur.    Þetta er þó þjóðlegri siður en valentínusardagurinn...  ég er hlynnt konudeginum.  (sorrý , kemur færslunni þinni lítið við )

[Guðríður Hrefna Haraldsdóttir, 18.2.2007 kl. 14:20]

Takkkk, auðvitað er konudagurinn í dag! Nú sest ég við dyrabjölluna og bíð eftir að hún hringdi og upp stigana þjóti sendlar með blóm í hrönnum! Ahhh, ég gleymi reyndar alltaf að koma mér upp aðdáendum um þetta leyti árs!!! Klaufi ...

[Ester Júlía, 18.2.2007 kl. 14:50]

Það þarf nú ekki einu sinni að eiga mann til að fá blóm sko.  þessi elska skrapp til Hveragerðis og ég hringdi í hann áðan og eitthversstaðar inn á milli setninganna sem fór okkur á milli segir hann :  Hei, það er konudagurinn í dag?? ..ÉG : Já og hvað með það??  Hann: hvað get ég gert fyrir þig elskan ?  ÉG:  alla vega ekki kaupa blóm, leyfðu mér frekar að skreppa eitthvað út þegar þú kemur, Hann ( með móral) ha..já auðvitað elskan.  hehehehe svo ég á frí seinni partinn..var ég ekki sniðug ??

[Guðríður Hrefna Haraldsdóttir, 18.2.2007 kl. 14:58]

Alger snillingur!!!

[gua, 18.2.2007 kl. 15:06]

þeir eru örugglega að leggja á ráðin um byltingu á stór-Akranessvæðinu og þú bara skúbbaði þessu á þínu bloggi  en eigðu góðan konudag og ég sendi þér lots of blómum í huganum kveðja gua

[Guðríður Hrefna Haraldsdóttir, 18.2.2007 kl. 15:09]

Heheheh, takk gua! Held að það verði bara bylting hér. Þeir náðu einum manni inn í bæjarstjórn með Sjálfstæðisflokknum í fyrra! Nú ætla þeir sér stærri bita!!!

Eigðu góðan konudag sömuleiðis, nú er að renna í aldeilis guðdómlegt konudagsbað fyrir mig! 

[Gunna-Polly, 18.2.2007 kl. 15:47]

ég drattaðist að taka niðurt jólagardínur ( já ég veit það er febrúar) þá kemur kallinn og segir heyrðu elskan þú átt ekki að vera áð vesenast í þessu í dag það er konudagur svo sest hann inn í stofu með kaffi *piff*

en skipt var um gardínur ;) og til hamingju með daginn konur

[Guðríður Hrefna Haraldsdóttir, 18.2.2007 kl. 16:04]

Hahahah, góður!!!