Efnahernaður ... eða bara kvef?

Já, það er víst konudagurinn. Allar konur, til hamingju! Blómum, konfekti og skeytum hefur rignt yfir mig frá strætóbílstjórum, -farþegum og öllum sætum mönnum sem ég hef hitt á lífsleiðinni. Strákar, þetta er að verða nóg! Hef ekki lagt í vana minn að safna blómavösum, enda eru þeir bara notaðir þegar ég á afmæli ... og ég vil bara fylltu molana frá Nóa Síríus!
Annars er gömul vinkona mín á leiðinni upp á Skaga, hringir á hverri stundu til að fá leiðarlýsingu.

 
Ég ætlaði ekki að geta sofnað í nótt þrátt fyrir gífurlega syfju, svo mjög snörlaði og ýlaði í lungunum á mér. Hélt að tilhugsunin um Davíð frænda og Björn Bjarnason (lungnavesenið á þeim) hafi haft áhrif á mig.

Var farin að ímynda mér það versta, enda var lofthreinsunartækið í gangi með kannabis-lyktinni í vatninu. Efnahernaðarkvikmyndir í tugatali rifjuðust upp fyrir mér og á endanum fór ég fram á gang og slökkti á tækinu. Vaknaði svo bara kvefuð í morgun.

 

Ég hóstaði pent við afgreiðsluborðið á Skrúðgarðinum í hádeginu og María almáttugur, kaffihúsaeigandinn, skellti rauðrunnatei í poka handa mér. „Drekktu þetta og hananú!“

Er það ekki rauðrunnate sem hún drekkur alltaf í kvenspæjararstofu númer eitt? Það minnir mig. Og ekki hóstar hún á síðum bókanna góðu.

Jæja best að fá sér rauðrunnate og leysa heimsmálin á meðan.  

 

P.s. Elskan hún Dobba á afmæli í dag! Til hamingju.

Athugasemdir

[Heimir Lárusson Fjeldsted, 18.2.2007 kl. 16:09]

Til hamingju með daginn!!!!!!!!

[Guðríður Hrefna Haraldsdóttir, 18.2.2007 kl. 16:10]

Takkkk, gamli granni!

[www.zordis.com, 18.2.2007 kl. 18:44]

Þetta er mikill hamingjudagur   Segi eins og þú, allt of mikið af súkkulaði frá gömlum aðdáendum.  Turron hér og turron þar!  fékk dásamlegan súkkulaðibita með hnetum eftir hádegismatinn sem tendó gaf mér ( I´m the lucky one)  Bestu kveðjur á fallegasta punkt jarðar!

[Guðríður Hrefna Haraldsdóttir, 18.2.2007 kl. 19:06]

Súkkulaðið mitt var nú bara IN MY DREAMS og ég hefði slitið stjórnmálasambandi við tengdamömmu ef hún hefði reynt að gefa mér súkkulaði með HNETUM! Heheheh!

Og bestu kveðjur suður eftir til þín