Bílaþátturinn í kvöld og styttist í Formúluna!!!

Fallegar öldurnar núna og skemmtilega háværar!

Hún missir af miklu hún vinkona mín sem frestaði heimsókninni til morguns en vonandi verða bara enn flottari öldur þótt önnur vindátt verði ríkjandi þá, eða hvöss austlæg átt.

Tók þessa mynd út um stofugluggann minn áðan en ég held að fyrirsæturnar (fyrir utan öldur) hafi ekki verið í grunsamlegum erindagjörðum. Þær störðu bara á öldurnar sem skvettust samt ekki á þær. 

Það skvettist skemmtilega þegar öldurnar skella á steinunum og það vantar bara Hildu til að æpa af hrifningu. Hún er örugglega á barnaspítalanum hjá Davíð sínum.

Frá klukkan 19.45 er SkjárEinn óumdeilanlegur sigurvegari í slagnum um sjónvarpsáhorfendur í kvöld en bílaþátturinn Top Gear hefst þá. Ég á ekki bíl og hef ekki áhuga á bílum en það er eitthvað við þennan þátt sem mér finnst æði. Síðan er það Psych um manninn sem þykist vera miðill og aðstoðar lögregluna við að upplýsa mál. Þá er það Boston Legal og á endanum Dexter, blóðslettufræðingur lögreglunnar sem myrðir í frístundum ... en bara fólk sem á það skilið ... Hljómar kannski ekki vel en bókin er þó spennandi.

Einhvers staðar þarna á milli þarf ég að troða áhorfi á 24 á Stöð 2 ... Eins gott að Örninn er ekki sýndur á RÚV ... þá myndi ég bara slökkva á sjónvarpinu og halda áfram að lesa Ilminn!

P.S. Formúla 1 hefst 17. mars! Ég get ekki beðið! Nú verð ég að finna mér uppáhaldsökumann. 

 

Athugasemdir

[www.zordis.com, 18.2.2007 kl. 19:07]

Gurrí, Alonso þarf á fegurðardísum eins og okkur að halda.  Mæli með honum, hann er rogginn og fögur típa.

[Guðríður Hrefna Haraldsdóttir, 18.2.2007 kl. 19:18]

Ef hann lendir aftar en í 10. sæti í fyrstu keppninni verður hann minn maður! Þá er svo spennandi að sjá hann vinna sig upp aftur. En hvað gerir maður svo sem ekki fyrir bloggvinina sína? Ég er svo munaðarlaus eitthvað síðan Montoya hætti. Hann tók mig með trompi! Nú er hann að gera það gott í kappakstri annars staðar, algjör snilli! 

[Gerða Kristjáns, 18.2.2007 kl. 20:23]

Úfff, 16. mars er ss. síðasti dagurinn þar til tímabilið er búið sem hægt er að tala við mömmu af viti.......hún er forfallinn formúlisti........

[Guðríður Hrefna Haraldsdóttir, 18.2.2007 kl. 21:25]

... og með hverjum heldur virðuleg móðir þín?

[Guðný Anna Arnþórsdóttir, 18.2.2007 kl. 22:25]

Sakna svo Six Feet Under þegar ég sé krúttið sem leikur hann Dexter. Sá var einn af fáum þáttum sem hlotið hefur náð fyrir krítískum augum mínum! Ætla að gefa þessum þætti sjéns, útá leikarann. Veit að það munar þig afskapleg miklu að vita þetta.

[Gluggagægir (IP-tala skráð) 18.2.2007 kl. 22:27]

Mikid var gott ad heyra um öldurnar aftur. Eg var farin ad halda ad svalirnaar skygdu a allt utsyni. Gluggagægir

[Gerða Kristjáns, 18.2.2007 kl. 22:51]

Hakkinen var hennar kall.....og hans lið hennar lið, man ekki nafnið á gaurnum sem hún snéri sér að eftir að Hakkinen fór frá henni (ójá, þetta var nánast ástarsorg)

[Steingerður Steinarsdóttir, 19.2.2007 kl. 09:36]

Já, dagskráin á SkjáEinum er hreint út sagt frábær á sunnudögum. Kannski ekki mjög kristileg en bráðskemmtileg það fer nefnilega sjaldnast saman.