Fleiri góð ráð til að myrða ... kvef!

18.2.2007 | 22:12

Fleiri góð ráð til að myrða ... kvef!

Tventífor er bara nokkuð spennandi en ég er búin að ákveða það að um leið og einhver kona, viti sínu fjær yfir svikum, drepur lykilvitni sem hefði getað vísað á vondu karlana þá er ég hætt að horfa. Bróðir Jacks Bauer er greinilega einn af þessum vondu.

Svo er líka frekar óþægilegt að ein fyndnasta manneskjan úr Ally McBeal skuli vera ráðgjafi forsetans.

Mig vantaði eitthvað heitt áðan, eða hitaeiningar, þótt ég sé með hita, og eldaði mér pastarétt úr pakka, setti bara vatn út í.

Pakkinn rann út í lok janúar sl. en ég lét mig hafa það, eins og skjólstæðingar Mæðrastyrksnefndar þurfa að gera. Sum fyrirtæki gefa nefndinni og Fjölskylduhjálp helling af útrunnum mat og heimta svo að komast í blöðin fyrir góðverkið!

Ég henti helling af hvítlauk út í útrunna pakkann minn og veit því ekki hvort þetta var illilega ónýtt eða ekki. Mig vantaði hita ... og hvítlauk.

Svo ætla ég að vakna í fyrramálið alheil og hress! Búin að drekka óbjóð, c-vítamín og sólhatt út í kalt vatn, plús rauðrunnate í dag og horfi nú á mjög kveflosandi sjónvarpsefni. Held að það sé ekki hægt að gera betur en þetta!

Flokkur: Bloggar | Facebook

Athugasemdir

Killing the kvef er ómögulegt. Það þarf bara sinn tíma til að komast í gegn. Og sólhatturinn á að vera fyrirbyggjandi til að byggja upp ónæmiskerfið...svo kvefið komist ekki að. Ekki að nota það eins og smokk þegar barnið er komið undir. Hélt að allir vissu þetta. Kveflosandi sjónvarpsþættir eru hins vega eitthvað alveg nýtt. Hljómar spennandi. Bið að heilsa sjónum. Ferlega erfitt að búa inní landi og sjá ekki sjó daglega nema í þáttunum..Living in the sun.

Katrín Snæhólm Baldursdóttir, 18.2.2007 kl. 22:16

Sjáum til með það, frú Katrín. Ekki vanmeta mátt hugans. Ef ég trúi því nógu heitt þá mun ég læknast! Ég hef líka tekið lyfleysur af öllum sortum, aðallega sykurpillur, og ef þær virka ekki þá veit ég ekki hvað ...

Guðríður Hrefna Haraldsdóttir, 18.2.2007 kl. 22:21

Óbrigðult ráð við kvefi: Væta vasaklút í tíðablóði hreinnar meyjar á fullu tungli. Láta blóðið storkna og mylja gúmmelaðið í heyið í rúmi sínu.

Ertu ekki fegin, að við lifum nú á tímum?

Góða nótt og góða heilsu við öldunið og aftanklið!

Guðný Anna Arnþórsdóttir, 18.2.2007 kl. 22:22

Bestu heilsukveðjur til þín Gurrí. Máttur hugans er ótrúlega öflugur!

Doddi - Þorsteinn G. Jónsson (IP-tala skráð) 18.2.2007 kl. 22:54

Heheheheheh, sjúr! Ég bara nenni ekki að vera veik og því ætla ég að nota allt til að láta mér batna, jafnvel nota ráð Guðnýjar Önnu!!!

Guðríður Hrefna Haraldsdóttir, 18.2.2007 kl. 22:58

Þegar þú verður komin á topp fimmtíu leysast öll þín vandamál, kvef, kattafár og komutímar rútubilstjóranna. Bara 6 sæti í það. Hetja. Kíki við nokkrum sinnum á dag til að hífa þig upp ur kvefinu darlingið mitt.

Katrín Snæhólm Baldursdóttir, 18.2.2007 kl. 23:03

Gurrí mín

Ekki hafa áhyggjur af útrunnum pakkamat, venjulega geta vörur verið í besta lagi í marga mánuði, jafnvel ár. Þetta er bara fyrirhyggja í hæðsta lagi til að koma í veg fyrir lögsóknir. Annars væri ég löngu dauð....Og ef fyrirtæki eru að gefa mat, jafnvel útrunninn, það er reyndar góðverk því ef honum væri hent væri það frádráttarbært til skatts, ef þeir gefa hann þá þarf að borga fullann skatt. Go figure!!!!

lalla (IP-tala skráð) 18.2.2007 kl. 23:09

Takk, Lalla, gott að vita það. Ef ég hefði ekki verið svona svöng þá hefði ég hent þessu! Fólk ætti að vita af þessu! Knús í bæinn ... og annað knús til Englands (Katarína)

Guðríður Hrefna Haraldsdóttir, 18.2.2007 kl. 23:17

Ææ vonandi virkaði rauðrunnateið, hvítlaukurinn og útrunna súpan! En reyndar er voðalega erfitt að eiga við kvef . Mér finnst voða gott að fá mér engifer ( og nóg af því) hvítlauk og hunang út í sjóðandi vatn. Pressa hvítlaukinn og engiferið í stóran brúsa, læt standa í 10-15 mín áður en ég fæ mér fyrsta bollan. Bragðbæti svo með hunangi í bollan. Þetta rífur alveg í hálsinn ef þú hefur þetta nógu sterkt. Svo er auðvitað hægt að fá sér jagermaster Góðan bata dúllan