Tilhlakkelsi fyrir hittinginn ...

Það styttist óðum í bloggarahittinginn á Skaganum og þótt við ætlum að hittast á kaffihúsinu ákvað ég nú samt að skipta um eldhúsinnréttingu og parkett í tilefni gestakomunnar. Ekki veitti af alla vega.

Það er ósköp draslaralegt í himnaríki eftir slappelsið síðustu daga og gott yrði að fá smáorku til tiltekta og hana fær maður líklega á stefnumótinu í Skrúðgarðinum eftir smástund.

Blautt hár ... hósti við útiveru, hmmmm ... best að hringja í Önnu og plata hana til að kippa mér með.

Athugasemdir

[Guðríður Hrefna Haraldsdóttir, 24.2.2007 kl. 12:34]

Hann er við Kirkjubrautina, aðalgötuna á staðnum. Skáhallt á móti Barbró, stað sem var lokað vegna hryllilegs nafns, og við hliðina á Nínu, einni uppáhaldsbúðinni hennar Dorrit. Skrúðgarðurinn er í bláu steinhúsi þar sem löggustöðin og bókasafnið voru áður. Þetta er rétt áður en maður kemur að Akratorgi þar sem styttan af sjómanninum stendur! Það er líka hægt að ganga í gegnum lítinn skrúðgarð (ekki í blóma) frá Suðurgötunni. 

Vona að þetta gagnist eitthvað

[Doddi - Þorsteinn G. Jónsson (IP-tala skráð) 24.2.2007 kl. 12:39]

Ég spyr nú bara út af því að ég er forvitinn og stundum vitlaus: er þetta eitthvert bloggara-reunion eða bloggara-union í gangi?

Get ég skráð mig í svoleiðis hittíng hérna á Akureyri, veistu það?

[Hildigunnur Rúnarsdóttir, 24.2.2007 kl. 12:40]

myndi gjarnan vilja kíkja, reyndar, en það er dagur tónlistarskólanna og ég á víst að mæta í Hafnarfirði :-( Góða skemmtun og bið að heilsa í hittinginn...

[Guðríður Hrefna Haraldsdóttir, 24.2.2007 kl. 12:45]

Þetta er eiginlega undirbúningur fyrir bloggarahitting í apríl. Guðmundur almáttugur kom með þessa góðu hugmynd og það koma eflaust c.a. 10 manns. Katrín, sem býr í Englandi, kemur til landsins í apríl, Guðrún verður komin frá Washington og maður blæs ekki til svona fagnaðar með nokkurra daga fyrirvara. Þannig að við megum eiga von á þér frá Akureyri í apríl??? Hehehhehe! Þetta er ósköp óformlegt. Guðmund langaði að taka Skrúðgarðinn út ... og þetta breyttist í hitting. Og allir velkomnir! Kaffihúsið er mjög stórt!

[Guðný Anna Arnþórsdóttir, 24.2.2007 kl. 12:45]

Fyrst ég rekst nú á þig Hildigunnur, - ég var í gær og fyrradag að reyna að kommentera hjá þér, en fékk alltaf eitthvað undarlegt feedback, - er allt í lagi með síðuna?

Elsku Gurrí, góðar kveðjur - sakn, sakn!

[kikka (IP-tala skráð) 24.2.2007 kl. 14:15]

Góða skemmtun

[Heiða B. Heiðars, 24.2.2007 kl. 15:49]

Vona að kleinan standi í ykkur Hittast fyrir allar aldir lengst upp í sveit!!